گوگل نیوز پر ہمیں فالو کریںقومی اسمبلی کے ڈپٹی اسپیکر قاسم خان سوری نے کہا ہے کہ مسلمانوں کے خلاف سرجیکل اسٹرائیک کے ذریعے بھارت نے اپنے آپ کو شکست دینے کا ایک الٹا راستہ منتخب کیا، اسٹرائیک نے بھارت کو اپنے آپ سے لڑوا دیا۔
سماجی رابطے کی ویب سائٹ ٹوئٹر پر اپنے پیغام میں ڈپٹی اسپیکر قاسم سوری نے کہا کہ سات دہائیوں تک محفوظ رہنے کے بعد مودی سرکار اپنے ہی ملک کی مستحکم جمہوریت سے تنگ آ گئی۔
ڈپٹی اسپیکر قاسم خان سوری نے کہا کہ بھارت نے خون بھری آزادی کے 70 سال بعد مسلمانوں پر سرجیکل اسٹرائیک کی جس نے اسے خود سے دست و گریباں کردیا۔
بھارت نے اپنے آپ کو شکست دینے کا ایک الٹا راستہ منتخب کیا ہے۔ ملک کی مستحکم جمہوریت سے تنگ آکر، خون سے بھری آزادی اور سات دہائیوں تک محفوظ رہنے کے بعد، مودی سرکار کی مسلمانوں پر سرجیکل اسٹرائیک نے ہندوستان کو خود سے لڑا دیاہے۔ #CABBill2019#IndiaToEndia https://t.co/NKiLY6IT4L
— Qasim Khan Suri (@QasimKhanSuri) December 15, 2019
قاسم خان سوری نے ٹوئٹر پیغام میں بھارت میں حالیہ متنازعہ شہریت بل کے خلاف بھارتی شہریوں کے ملک گیر احتجاج کی خبر بھی شیئر کی جس کے مطابق مودی کی مسلمانوں کے خلاف سرجیکل اسٹرائیک سے خود بھارت خانہ جنگی کا شکار ہوگیا۔
یاد رہے کہ اس سے قبل ڈی جی آئی ایس پی آر میجر جنرل آصف غفور نے کہا کہ مقبوضہ جموں و کشمیر اور خود بھارت میں ہندوتوا کے خلاف جو طوفان اٹھ کھڑا ہوا ہے، اسے روکا نہیں جاسکتا۔
ٹوئٹر پر اپنے پیغام میں ترجمان پاک فوج میجر جنرل آصف غفور نے کہا کہ پورے بھارت میں ہندوتوا کے خلاف احتجاج جاری ہے جسے سطحی ہتھکنڈوں سے دبایا نہیں جاسکتا۔
مزید پڑھیں: بھارت میں ہندوتوا کے خلاف طوفان روکا نہیں جاسکتا۔میجر جنرل آصف غفور
