گوگل نیوز پر ہمیں فالو کریںبخارسٹ: پاک بحریہ کیلئے تیار کیے جانے والے جدید ترین بحری جہاز کی اسٹیل کٹنگ کی تقریب منعقد ہوئی جس میں پاکستانی سفیر ڈاکٹر ظفر اقبال بطور مہمانِ خصوصی شریک ہوئے۔
تفصیلات کے مطابق پاک بحریہ کیلئے تیار کیے جانے والے جدید ترین بحری جہاز کی اسٹیل کٹنگ کی تقریب رومانیہ کے ڈیمن شپ یارڈ میں منعقد ہوئی۔ ترجمان پاک بحریہ کا کہنا ہے کہ تقریب کے مہمانِ خصوصی رومانیہ میں پاکستانی سفیر ڈاکٹر ظفر اقبال تھے۔
پاکستان کے ساتھ تعلقات کو مضبوط کرنے کیلئے رضامند ہیں، فرانس
پاک بحریہ ہمیشہ قوم کی توقعات پر پوری اتری ہے، آرمی چیف
ترجمان پاک بحریہ کا کہنا ہے کہ رومانیہ میں تیار کیا جانے والا بحری جہاز جدید ترین ہتھیاروں اور ٹیکنالوجی سے لیس ہوگا جبکہ پی این ایس یرموک اور پی این ایس تبوک پہلے ہی پاک بحریہ کے بیڑے میں شامل ہوچکے ہیں۔
جدید ترین بحری جہاز کی شرکت سے بحریہ کی دفاعی کارکردگی میں اضافہ ہوگا۔تقریب سے پاکستانی سفیر ڈاکٹر ظفر اقبال نے خطاب بھی کیا۔ ترجمان پاک بحریہ کا کہنا ہے کہ مہمانِ خصوصی نے بحری امن و استحکام کیلئے پاک بحریہ کی کاوشوں کو اجاگر کیا۔
یاد رہے کہ اس سے قبل آرمی چیف جنرل قمر جاوید باجوہ نے کہا کہ پاک بحریہ ملک کی بحری سرحدوں کا دفاع کرنے والی مضبوط فورس ہے اورہمیشہ قوم کی توقعات پر پوری اتری ہے۔
پاک فوج کے شعبہ تعلقات (آئی ایس پی آر) کے مطابق پاکستان نیوی وار کالج لاہور میں 51ویں پی این اسٹاف کورس کے شرکا سے خطاب کرتے ہوئے گزشتہ ماہ آرمی چیف نے پاک بحریہ کی جنگ کیلئے دی جانے والی معیاری تربیت کو سراہا۔
