امپورٹڈ حکومت عمران خان کو ملکی سیاست سے دور کرنا چاہتی ہے۔شیریں مزاری

اسلام آباد: پاکستان تحریکِ انصاف کی سینئر مرکزی رہنما و سابق وزیرِ انسانی حقوق ڈاکٹر شیریں مزاری نے الزام عائد کرتے ہوئے کہا ہے کہ امپورٹڈ حکومت عمران خان کو ملکی سیاست سے دور کرنا چاہتی ہے۔

سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر ڈاکٹر شیریں مزاری نے کہا کہ امپورٹڈ حکومت اور ان کے ہرکاروں کی توجہ صرف اس بات پر ہے کہ عمران خان کو پاکستانی سیاست سے کیسے باہر کیا جائے۔

یہ بھی پڑھیں:

شریف خاندان اپنی مرضی کا آرمی چیف چاہتا ہے۔شیریں مزاری

ٹوئٹر پیغام میں پی ٹی آئی رہنما شیریں مزاری نے کہا کہ عمران خان کو سیاست سے دور نہیں کیا جاسکتا، ایسا نہیں ہوگا چاہے حکومت کتنی ہی جھوٹی کہانیاں کیوں نہ گھڑ لے اور کتنی ہی الزام تراشیاں کیوں نہ کر لی جائیں۔

پیغام میں سابق وفاقی وزیر برائے انسانی حقوق ڈاکٹر شیریں مزاری نے کہا کہ ایک طرف تو حکومت عمران خان کے خلاف الزام لگانے اور جھوٹی کہانیاں گھڑنے میں مصروف تھی، دوسری جانب ملکی معیشت تباہی کے دہانے پر پہنچ گئی۔

Imported govt & their string pullers only concern is how to get IK out of political scene in Pak. That ain't happening no matter how many false stories/accusations are cooked up. Meanwhile Conspirators have taken Pak economy to the brink. #EnoughIsEnoughhttps://t.co/UW6mF2lfU2

— Shireen Mazari (@ShireenMazari1) November 17, 2022

خیال رہے کہ اس سے قبل ڈاکٹر شیریں مزاری نے کہا کہ حکومت آرمی ایکٹ میں ترمیم کر رہی ہے جس سے پتہ چلتا ہے کہ شریف خاندان اپنی مرضی کا آرمی چیف لانا چاہتا ہے۔

گزشتہ روز سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر شیریں مزاری نے کہا کہ حکومت آرمی ایکٹ 1952 کی دفعہ 176 (2) میں ترمیم کی خواہاں ہے۔ دوبارہ تقرری کے بعد ری۔ٹینشن کا لفظ ڈالا جائے گا۔