گوگل نیوز پر ہمیں فالو کریںپاکستان کرکٹ ٹیم کے سابق کپتان شاہد آفریدی کی پی سی بی مینجمنٹ کمیٹی کے چیئرمین ذکا اشرف سے پی سی بی ہیڈ کوارٹر قذافی اسٹیڈیم لاہور میں ملاقات ہوئی۔
اس موقع پر پی سی بی مینجمنٹ کمیٹی کے چیئرمین ذکا اشرف کی جانب سے قومی ٹیم کے سابق کپتان شاہد آفریدی کی کرکٹ کی خدمات کی تعریف کی گئی۔
پی سی بی مینجمنٹ کمیٹی کے چیئرمین ذکا اشرف کا اس موقع پر کہنا تھا کہ شاہد آفریدی پاکستان کے ہیرو اور سپر اسٹار ہیں، ہمیں آپ کے ساتھ کام کرکے خوشی ہوگی۔
شاہد آفریدی کی جانب سے ذکا اشرف کی کوششوں کی تعریف کی گئی، شاہد آفریدی کی جانب سے نوجوان کرکٹرز کو گروم کرنے میں دلچسپی کا اظہار کیا گیا، انہوں نے کہا کہ نوجوان کرکٹرز کی صلاحیتوں سے فائدہ اٹھانا بہت ضروری ہے۔
