پشاور میں کورونا ایس او پیز کی خلاف ورزی، اسکول سیل، بچوں کو مبینہ سزا

خیبر پختونخوا کے صوبائی دارالحکومت پشاور میں کورونا وائرس کی روک تھام کیلئے ایس او پیز کی خلاف ورزی کرنے پر 1 اسکول سیل کرنے کے ساتھ ساتھ بچوں کو مبینہ طور پر سزا بھی دی گئی۔

تفصیلات کے مطابق یہ واقعہ پشاور کے علاقے حیات آباد میں پیش آیا جہاں متعلقہ اے سی نے ایک نجی اسکول کو وائرس کی روک تھام پر سیل کردیا۔

مذکورہ نجی اسکول کے بچوں کو سزا کے طو پر 1 گھنٹے تک دھوپ میں کھڑا رکھا گیا جس کے دوران بستے بچوں کے کندھے پر موجود رہے۔

کندھوں پر بستے رکھوا کر دھوپ میں کھڑا رکھنے کی سخت سزا پر اسسٹنٹ کمشنر حبیب اللہ اور اسکول ٹیچر کے درمیان بحث ہوئی۔ ٹیچر نے سزا کو غیر انسانی قرار دیا۔

رابطہ کرنے پر اسسٹنٹ کمشنر حبیب اللہ کا کہنا تھا کہ کسی بچے کو کوئی سزا نہیں دی گئی، ہم نے ایس او پیز کی خلاف ورزی پر صرف اسکول کو سیل کیا ہے۔ 

یاد رہے کہ اِس سے قبل کورونا وائرس کے نئے کیسز سامنے آنے پر خیبر پخوانخوا حکومت حرکت میں آ گئی،  5 تعلیمی اداروں کو سیل کر دیا گیا۔

صوبہ خیبر پخوانخوا میں کورونا وائرس کے کیسز سامے آنے پر صوبائی حکومت نے 1 نجی اسکول کے ساتھ ساتھ 4 سرکاری اسکولوں کو بھی 6 روز قبل بند کردیا، جبکہ دیگر تعلیمی اداروں کو ایس او پیز پر سختی سے عمل درآمد کی ہدایت کی گئی۔

مزید پڑھیں: کورونا کیسز پر خیبر پخوانخوا حکومت کا ایکشن، 5 تعلیمی ادارے سیل