گوگل نیوز پر ہمیں فالو کریںلاہور:پاکستان کرکٹ ٹیم کے سابق کپتان راشد لطیف نے نیوزی لینڈ کے خلاف دوسرے ٹیسٹ میچ میں سرفراز احمد کی بیٹنگ پر اپنے ردعمل میں کہا ہے کہ وہ پہلے اپنی جگہ کے لیے لڑا، اب وہ پاکستان کے لیے لڑ رہا ہے۔
قومی ٹیم کے سابق وکٹ کیپر بلے باز راشد لطیف نے سوشل میڈیا اکاؤنٹ پر سرفراز احمد کی تصاویر شیئر کرتے ہوئے مذکورہ بیان شیئر کیا۔سوشل میڈیا پر دیگر اکاؤنٹس سے بھی سرفراز احمد کی تعریف کی جارہی ہے۔
یہی نہیں سرفراز احمد ٹیسٹ کرکٹ میں تین یا اس سے کم میچزکی سیریزمیں سب سے زیادہ رنز بنانے والے پاکستانی وکٹ کیپر بیٹربن گئے۔
سرفرازنے نیوزی لینڈکے خلاف دوٹیسٹ میچز کی سیریز میں 317 رنزبناکراعزازحاصل کیا۔وکٹ کیپر بیٹر نے نیوزی لینڈ کے خلاف دوسرے ٹیسٹ کی دوسری اننگز میں سنچری کرلی ہے۔
دوسری جانب فاسٹ باؤلر محمد عامر نے دوسری اننگز میں سنچری بنانے پر سرفراز احمد کو مبارکباد دی ہے۔ سرفراز کی سنچری پرفاسٹ بولر محمد عامر نے بھی تعریفی پیغام بھیجا۔
مزید پڑھیں:پاکستان اور نیوزی لینڈ کے درمیان دوسرا ٹیسٹ میچ بھی ڈرا، سیریزبرابر ہوگئی
اپنی ٹوئٹ میں محمد عامر نے سرفراز احمد کو مبارکباد دی۔محمد عامر نے ٹوئٹ میں لکھا کہ کیا اننگز کھیلی سرفراز بابو۔۔ آپ حقیقی چیمپئن ہیں، اللہ نظر سے بچائے آمین۔
