گوگل نیوز پر ہمیں فالو کریںاسلام آباد: روسی بحریہ کے کمانڈر ان چیف، ایڈمرل نکولئی اناطولیئویچ یومینوف نیول ہیڈ کوارٹرز میں پاک بحریہ کے سربراہ ایڈمرل ظفر محمود عباسی سے ملاقات کی جس میں باہمی دلچسپی کے امور بشمول دونوں ملکوں کی بحری افواج کے مابین تعاون کو مزید فروغ دینے پر تبادلہ خیال کیا گیا۔
روسی بحریہ کے کمانڈر ان چیف، ایڈمرل نکولئی اناطولیئویچ یومینوف نیول ہیڈ کوارٹرز اسلام آباد پہنچے تو پاک بحریہ کے سربراہ ایڈمرل ظفر محمود عباسی نے معزز مہمان کا استقبال کیا۔ اس موقع پر معزز مہمان کو روایتی انداز میں گارڈ آ ف آنر پیش کیا گیا۔
ترجمان پاک بحریہ نے بتایاکہ معزز مہمان نے یادگار شہداء پر پھولوں کی چادر چڑھائی اور ان کا پرنسپل اسٹاف آفیسرز سے تعارف کرایا گیا۔ ترجمان پاک بحریہ کے مطابق روسی بحریہ کے کمانڈر ان چیف نے پاک بحریہ کے سربراہ سے ملاقات کی۔
یہ بھی پڑھیں:عالمی شپنگ لائنز کے لیے سائن آن آف طریقہ کار ختم کردیا ہے۔وفاقی وزیر علی زیدی
