بجلی کی قیمت میں اضافہ، مریم نواز وفاقی حکومت پر بر س پڑیں

لاہور: بجلی کی فی یونٹ قیمت میں وفاقی حکومت کی جانب سے اضافہ کئے جانے کے بعد پاکستان مسلم لیگ ن کی نائب صدر مریم نواز وفاقی حکومت پر برس پڑیں۔

ن لیگ کی مرکزی رہنماء مریم نواز کی جانب سے بجلی کی فی یونٹ قیمتوں میں اضافے کے فیصلے کے بعد وفاقی حکومت پر شدید تنقید کی گئی ہے۔یاد رہے کہ بجلی 3 روپے 9 پیسے فی یونٹ مہنگی کر دی گئی۔

یہ واحد حکومت ہے جس میں عوام خود اپنے خلاف لوڈشیڈنگ کرنے پر مجبور ہو گئی ہے۔
بجلی کی قیمتوں میں روزانہ اضافے سے بجلی عوام کے دسترس سے باہر ہوگئی ہے۔
عوام سے روٹی اور دوسری ضروریات زندگی چھیننے کے بعد عوام سے وہ روشنیاں بھی چھین لی گئیں جو نوازشریف نے لوٹائی تھیں۔

— Maryam Nawaz Sharif (@MaryamNSharif) February 12, 2022

نیشنل الیکٹرک اینڈ پاور ریگولیٹری اتھارٹی (نیپرا) کی جانب سے فی یونٹ بجلی 3 روپے 9 پیسے مہنگی کر دی ہے۔ اس اضافے پر اپوزیشن رہنماؤں نے شدید تنقید کی ہے اور مریم نواز نے بھی ردعمل کا اظہار کیا ہے۔

مسلم لیگ ن کی نائب صدر مریم نواز نے کہا کہ یہ واحد حکومت ہے جس میں عوام خود اپنے خلاف لوڈشیڈنگ کرنے پر مجبور ہے۔

مزید پڑھیں: بلاول بھٹو زرداری کا ملک بھر میں طلبہ یونینز کی بحالی کا مطالبہ

اُن کا کہنا تھا کہ عوام سے روٹی اور دوسری ضروریات زندگی چھیننے کے بعد عوام سے وہ روشنیاں بھی چھین لی گئیں جو نوازشریف نے لوٹائی تھیں۔انہوں نے کہاکہ بجلی کی قیمتوں میں روزانہ اضافے سے بجلی عوام کے دسترس سے باہر ہوگئی ہیں۔