گوگل نیوز پر ہمیں فالو کریںوزیراعظم عمران خان سے سری لنکن کرکٹ آفیشلز نے ملاقات کی ہے۔ ملاقات کے دوران عمران خان نے سری لنکن ٹیم کو پاکستان آمد پر خوش آمدید کہا ہے۔
تفصیلات کے مطابق وزیراعظم عمران خان سے دورہ پاکستان پر آئے سری لنکن کرکٹ ٹیم کے آفیشلز نے ملاقات کی جس میں پاک سری لنکن کرکٹ امور پر تبادلہ خیال کیا گیا۔
وزیراعظم عمران خان نےسری لنکن ٹیم کوپاکستان آمد پرخوش آمدید کہا اور سری لنکن ٹیم کے ساتھ ملک میں ٹیسٹ کرکٹ کو خوش آئند قرار دیا، وزیراعظم نے کہا کہ سری لنکن ٹیم کے ساتھ ٹیسٹ کرکٹ کادوبارہ آغازباعث مسرت ہے۔
واضح رہے کہ راولپنڈی اسٹیڈیم میں کھیلےجانے والے پاک سری لنکا ٹیسٹ کے پہلے روزکے اختتام تک سری لنکا نے 5وکٹوں کے نقصان پر 202رنز بنا لیے ،کھیل ختم ہوا تو دھنن جایا ڈی سلوا 38 اور نیروشن ڈک ویلا 11 رنز بناکر کریز پر موجود تھے۔
مزید پڑھیں: راولپنڈی ٹیسٹ، سری لنکا نے پہلے روز پاکستان کیخلاف 5 وکٹوں پر 202 رنز بنا لئے
