گوگل نیوز پر ہمیں فالو کریںپاکستان یارن مرچنٹس ایسوسی ایشن کے چیئرمین ثاقب نسیم،وائس چیئرمین سندھ بلوچستان ریجن محمد جنید تیلی نے کہا ہے کہ شرح سود میں بار بار اضافہ تجارت وصنعت کے لیے تباہ کن ثابت ہوگا، لاگت بڑھنے سے کاروبار کرنا، صنعتیں چلانا انتہائی دشوار ہوگیا، مشیرخزانہ شوکت ترین بہتر معاشی مفاد میں شرح سودکم کرنے میں کردار ادا کریں۔
پائما کے چیئرمین ثاقب نسیم،وائس چیئرمین سندھ بلوچستان ریجن محمد جنید تیلی نے بزنس کمیونٹی کے مطالبے کے باوجود اسٹیٹ بینک آف پاکستان کی جانب سے شرح سود میں کمی نہ کرنے پر گہری تشویش کا اظہارکرتے ہوئے کہا ہے کہ حال ہی میں شرح سودمیں150بیسس پوائنٹس کا اضافہ کیا ہے اور آنے والے دنوں میں شرح سود میں مزید اضافے کی خبریں گردش کررہی ہیں جس کے کورونا زدہ معیشت میں انتہائی منفی اثرات مرتب ہوں گے باالخصوص تجارت وصنعت کی پیداواری لاگت میں نمایاںاضافے کے ساتھ ساتھ مہنگائی کا طوفان آجائے گا۔
پائما رہنماؤں نے کہاکہ اقتصادی ماہرین کو معیشت کے مفاد میں تجاویز دینی چاہیے جس سے ملک میں کاروباری وصنعتی سرگرمیوں کو فروغ ملے اورخوشحالی آئے جبکہ یہ بات مشاہدے میں آئی ہے کہ حکومت کی جانب سے کیے گئے بیشتراقدامات سے کاروباری وصنعتی لاگت میں اضافہ ہوا ہے اور تاجروصنعتکار برادری کے لیے کاروبار وصنعتیں چلانا انتہائی دشوار ہوتا جارہاہے۔
انہوں نے کہاکہ کورونا وبا سے پیدا سنگین معاشی صورتحال میں تاجر وصنعتکا ر برادری کو پہلے ہی سرمائے کی شدید قلت کا سامنا ہے اور وہ اپنی بقا قائم رکھنے کے لیے سخت جدوجہد کررہے ہیںان حالات میں اسٹیٹ بینک کا شرح سود میں اضافہ کرنے سے شدید مالی بحران کا سامنا کرنا پڑے گا جو کسی صورت بھی ملکی معیشت کے حق میں نہیں۔
مزید پڑھیں:پائما کا وزیراعظم سے پیٹرولیم مصنوعات کی قیمتوں میں نمایاں کمی کا مطالبہ
