گوگل نیوز پر ہمیں فالو کریںپاکستان تحریک انصاف (پی ٹی آئی) کے بانی چیئرمین عمران خان اور ان کی اہلیہ بشریٰ بی بی کے درمیان اڈیالہ جیل میں ملاقات ہوئی جس میں موجودہ مقدمات سمیت مختلف اہم معاملات پر بات چیت کی گئی۔
جیل سے متعلق ذرائع کے مطابق بشریٰ بی بی اڈیالہ جیل میں عمران خان سے ملاقات کے لیے پہنچیں، جہاں دونوں کے درمیان ملاقات جیل کے کانفرنس روم میں ہوئی۔ ملاقات کا دورانیہ تقریباً 30 منٹ بتایا گیا ہے۔
ذرائع کے مطابق ملاقات کے دوران عمران خان اور بشریٰ بی بی نے قانونی معاملات اور زیرِ سماعت مقدمات سے متعلق امور پر گفتگو کی۔ اس کے علاوہ عمران خان کی صحت کے بارے میں بھی تبادلہ خیال کیا گیا۔
ملاقات میں دیگر معاملات بھی زیرِ بحث آئے تاہم ان موضوعات کی مزید تفصیلات سامنے نہیں آئی ہیں۔
جیل ذرائع کے مطابق ملاقات مقررہ طریقہ کار کے تحت ہوئی۔ عمران خان اس وقت اڈیالہ جیل میں قید ہیں جہاں ان سے ملاقاتوں کا سلسلہ مقررہ قواعد و ضوابط کے مطابق جاری رہتا ہے۔
