گوگل نیوز پر ہمیں فالو کریںکراچی کو سرسبز و شاداب اور فضائی آلودگی سے پاک شہر بنانے کیلئے تحریکِ انصاف کے اراکینِ قومی و صوبائی اسمبلی پودے لے کر سڑکوں پر نکل آئے ہیں۔
سماجی رابطے کی ویب سائٹ ٹوئٹر پر اپنے پیغام میں رکنِ سندھ اسمبلی و صدر پی ٹی آئی کراچی خرم شیر زمان نے کہا کہ ہم نے آج کراچی کو سرسبز و شاداب بنانے کی مہم کے دوسرے فیز کا آغاز کردیا ہے۔
پیغام میں پودے ہاتھوں میں لے کر نکلتے ہوئے خرم شیر زمان نے اراکینِ اسمبلی آفتاب صدیقی ، شہزاد قریشی، ڈاکٹر سنجے اور دیگر کی تصاویر شیئر کیں اور بتایا کہ اراکینِ اسمبلی نے پودے تقسیم کیے ہیں۔
رکنِ سندھ اسمبلی خرم شیر زمان نے کہا کہ ہم نے کراچی کے علاقے ڈی ایچ اے میں نیم اور گل مہر کے پودے شہریوں میں تقسیم کیے۔ پودے عطیہ کرنے کیلئے سیلانی ویلفیئر کے شکر گزار ہیں۔
Launched 2nd phase of Lets Green Karachi campaign in DHA area where our MNA & MPA distributed Neem & Gul-Mohar plants. Special thanks to Saylani for donating plants. pic.twitter.com/furlTLDYnT
— Khurrum Sher Zaman NA-241 (@KhurumSherZaman) August 23, 2021
خیال رہے کہ اِس سے قبل پی ٹی آئی کراچی ڈویژن کے صدر اور رکن سندھ اسمبلی خرم شیر زمان نے کہا کہ الیکٹرانک ووٹنگ مشین کو مسترد کرنے والے شاہد خاقان خود ماضی میں اپنی دھاندلی کا اعتراف کرچکے ہیں۔ شاہد خاقان کے پاس الیکٹرانک ووٹنگ مشین کو مسترد کرنے کی کوئی ٹھوس دلیل نہیں۔ انتخابی اصلاحات نے پاپا ڈیڈی موومنٹ کو بے چین کردیا۔
پی ڈی ایم رہنماؤں کے بیانات پر ردعمل دیتے ہوئے آج سے 2 روز قبل خرم شیر زمان کا کہنا تھا کہ الیکٹرانک مشین سے درحقیقت اپوزیشن کو اپنے چور دروازے بند ہونے کا خطرہ ہے، اپوزیشن الیکشن میں پیسہ چلانے اور ڈبے چرانے پر یقین رکھتی ہے، انتخابی اصلاحات سے متعلق پہلے دن سے ہی اپوزیشن کی نیت کا کھوٹ واضح ہوگیا۔
مزید پڑھیں: انتخابی اصلاحات نے پاپا ڈیڈی موومنٹ کو بے چین کردیا، خرم شیر زمان
