گوگل نیوز پر ہمیں فالو کریںاسلام آباد: پاکستان میں مقامی طور پر تیار کردہ پرنس پرل نامی گاڑی رواں ہفتے متعارف کرائے جانے کاامکان ہے ۔میڈیا رپورٹ کے مطابق یہ ہیچ بیک گاڑی ملک میں 19 دسمبر کو متعارف کرائی جارہی ہے۔
ریگل موٹرز اس گاڑی کو تیار کررہی ہے اور اسے امید ہے یہ یونائیٹڈ براوو اور نئی سوزوکی آلٹو کو سخت ٹکر دے سکے گی۔گزشتہ سال یونائیٹڈ براوو گاڑی کو مقامی مارکیٹ میں متعارف کرایا گیا تھا جو سوزوکی مہران کے مقابلے پر پیش کی گئی تھی۔
پاک سوزوکی نے 2019 میں مہران کی پروڈکشن ختم کرکے نئی 660 سی سی آلٹو کو متعارف کرایا اور پرنس پرل مہران کو ختم کیے جانے سے پیدا ہونے والے خلا کو پر کرنے کے لیے پیش کی جارہی ہے، یہ گاڑی 800 سی سی انجن سے لیس ہوگی جس میں 4 اسپیڈ مینوئل ٹرانسمیشن ہوں گے۔
رپورٹ کے مطابق یہ گاڑی ایندھن کی بچت میں بھی مددگار ہوگی جو فی لیٹر 18 کلومیٹر کی ایوریج دے گی جبکہ دیگر فیچرز جیسے پاور ونڈوز، پاور اسٹیئرنگ، ڈیجیٹل انسٹرومنٹ کلسٹر، 5.8 انچ کا انفوٹینمنٹ ٹچ اسکرین سسٹم، بلیوٹوتھ اور ایس ڈی کارڈ، اسکرین مررنگ، اے سی سسٹم اور دیگر نمایاں ہوں گے۔
یہ بھی پڑھیں: ہونڈا اٹلس کارز پاکستان اور کارفر سٹ کی مشترکہ پیش کش” ایکسچینج پروگرام”
