وزیر اعظم شہباز شریف اسلام آباد پہنچ گئے، اسحاق ڈار بھی ہمراہ

اسلام آباد: امریکا اوربرطانیہ کے بھرپور دورے کے بعد وزیراعظم شہباز شریف وطن واپس پہنچ گئے۔وزیر اعظم کے ہمراہ سابق وزیر خزانہ اسحاق ڈار بھی موجود ہیں۔

ذرائع کے مطابق وزیراعظم شہباز شریف کا طیارہ اسلام آباد نور خان ایئرپورٹ پر لینڈ کرگیا، 5 سال سے خود ساختہ جلا وطن لیگی رہنما سابق وزیر خزانہ اسحاق ڈار بھی وزیراعظم کے ہمراہ موجود ہیں۔

ذرائع کا کہنا ہے کہ وزیر اعظم کے ہمراہ وطن واپس پہنچنے والوں میں وفاقی وزیر خزانہ مفتاح اسماعیل اور وفاقی وزیر اطلاعات و نشریات مریم اورنگزیب بھی شامل ہیں۔

مزید پڑھیں:مقدمات سیاسی، جہاں چھوڑا وہیں سے سفر شروع کر رہا ہوں، اسحاق ڈار

وزیراعظم شہباز شریف اور ان کا وفد خصوصی طیارے میں لندن سے براہ راست اسلام آباد پہنچا ہے۔ ایوی ایشن ذرائع کے مطابق وزیراعظم اور ان کے وفد کو لانے والے طیارے نے نور خان ائیر بیس پر لینڈ کیا۔