گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیر اعظم عمران خان نے جدوجہد اور لگن سے اپنے مخالفین کو غلط ثابت کردیا۔
سماجی رابطے کی ویب سائٹ ٹؤئٹر پر اپنے پیغام میں معاونِ خصوصی فردوس عاشق اعوان نے کہا کہ وزیر اعظم نے اپنی جدوجہد، مسلسل محنت اور لگن سے ہمیشہ اپنے مخالفین اور ناقدین کو غلط ثابت کیا۔
پیغام میں معاونِ خصوصی فردوس عاشق اعوان نے کہا کہ وزیر اعظم فرسودہ اور گلے سڑے نظام کو ٹھیک کرنے کے لیے پر عزم ہیں۔ کٹھن وقت سے ہم گزر آئے ہیں۔
معاونِ خصوصی فردوس عاشق اعوان نے کہا کہ درست سمت میں اصلاحات اور اقدامات کے ثمرات عوام کو پہنچنا شروع ہو گئے ہیں۔ عوامی ترقی اور خوشحالی عمران خان کا نصب العین ہے۔
درست سمت میں اصلاحات اور اقدامات کے ثمرات عوام کو پہنچنا شروع ہوگئے ہیں۔عوامی ترقی اور خوشحالی عمران خان کا نصب العین ہے۔2/2
— Dr. Firdous Ashiq Awan (@Dr_FirdousAwan) March 10, 2020
ڈاکٹر فردوس عاشق اعوان نے کہا کہ احساس کفالت پروگرام کو مہمند کے دور دراز علاقوں تک پہنچانا عمران خان کی قبائلی عوام سے محبت اور دور افتادہ علاقوں کو ترقی کے دھارے میں شامل کرنے کے عزم کا واضح اظہار ہے۔
فردوس عاشق اعوان نے کہا کہ ملکی تاریخ میں پہلی بار مستحق طلباء کو 50 ہزار اسکالر شپس ملیں گی۔ وزیر اعظم عمران خان ایسی فلاحی ریاست کے قیام کے خواہاں ہیں جہاں وسائل امراء کی بجائے محروموں پر خرچ ہوں۔
وزیراعظم ایسی فلاحی ریاست کے قیام کے خواہاں ہیں جہاں وسائل امراء کی بجائے محروموں پر خرچ ہوں۔2/2
— Dr. Firdous Ashiq Awan (@Dr_FirdousAwan) March 10, 2020
احساس ڈیٹا پروگرام کے حوالے سے فردوس عاشق اعوان نے کہا کہ وزیر اعظم کا احاس ضلعی ترقیاتی پورٹل ڈیٹا فار پاکستان کا اجراء جدید ٹیکنالوجی کے استعمال کے ذریعے ملک میں غربت کے خاتمے اور سماجی تحفظ کے فروغ میں معاون ہوگا۔
فردوس عاشق اعوان نے کہا کہ پورٹل کے ذریعے ملک میں غربت کی شرح کا درست تجزیہ ممکن ہوگا جبکہ غریبوں اور محروموں کے حقوق کے تحفظ کے لیے اٹھائے گئے عملی اقدامات وزیر اعظم کی پسماندہ طبقات سے وابستگی کا ثبوت ہیں۔
غریبوں اور محروموں کے حقوق کے تحفظ کے لیے اٹھائے گئے یہ عملی اقدامات عمران خان کی پسے ہوئے طبقات سے وابستگی کا ثبوت ہیں۔2/2
— Dr. Firdous Ashiq Awan (@Dr_FirdousAwan) March 10, 2020
