گوگل نیوز پر ہمیں فالو کریںوزیراعظم پاکستان عمران خان نے مقبوضہ جموں و کشمیر میں جاری 100 روز سے زائد کرفیو کے خلاف عالمی برادری کی خاموشی پر افسوس کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ کشمیر میں کرفیو بھارتی حکومت کی آر ایس ایس ذہنیت کی عکاسی کرتا ہے۔
وزیر اعظم عمران خان نے کہا کہ مقبوضہ جموں و کشمیر میں 100 روز سے زائد مسلسل کرفیو بھارت کی مودی حکومت کے فاشسٹ ذہن اور انسانی حقوق کی بد ترین خلاف ورزی کا ثبوت ہے۔
عمران خان نے کہا کہ عالمی طاقتیں مقبوضہ کشمیر میں جاری تاریخ کے بد ترین کرفیو پر کسی ردِ عمل کا اظہار کیے بغیر اپنے تجارتی مفادات کو پیش نظر رکھتے ہوئے خاموش ہیں۔
Shows the fascist mindset of the Indian govt's RSS ideology that has continued the siege of IOJK for over 100 days, subjecting Kashmiris to the worst violation of their human rights while the powerful countries remain silent bec of their trading interests. https://t.co/ESZiaVp563
— Imran Khan (@ImranKhanPTI) November 27, 2019
یاد رہے کہ اس سے قبل اقوامِ متحدہ میں پاکستان کے مندوب منیر اکرم نے کہا کہ بھارت سلامتی کونسل میں غیر مستقل رُکنیت کا بھی اہل نہیں ہے جبکہ اس نے اقوامِ متحدہ قراردادوں کی کھل کر خلاف ورزی کی۔
سلامتی کونسل میں گزشتہ روز مباحثے کے دوران مندوب منیر اکرم نے کہا کہ 70 سال پرانے تنازعۂ کشمیر کے حل کے لیے اقوامِ متحدہ کی 15 رکنی سلامتی کونسل نے قرارداد منظور کی جس کی بھارت نے خلاف ورزی کی۔
منیر اکرم نے کہا کہ 9 لاکھ بھارتی فوجی کشمیر میں داخل کرکے بھارت نے دہشت کی فضا قائم کر رکھی ہے، جس سے ان کی مراد کشمیر میں جاری 115 روزہ کرفیو ہے۔
مزید پڑھیں: بھارت سلامتی کونسل میں غیر مستقل رکنیت کا بھی اہل نہیں۔پاکستان
