اسلام آباد: ترجمان دفترِ خارجہ عائشہ فاروقی نے کہا ہے کہ پاکستانی قوم یک زبان ہو کر کشمیری بہن بھائیوں کے ساتھ کھڑی ہے، کوئی انہیں اکیلا نہ سمجھے۔
سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ عائشہ فاروقی نے کہا کہ کشمیری عوام کے دکھ سکھ میں پاکستانی قوم ان کے ساتھ ہے۔ ان کے لیے آواز بلند کرتے رہیں گے۔
ترجمان دفترِ خارجہ عائشہ فاروقی نے کہا کہ مظلوم کشمیریوں کی جدوجہدِ آزادی کا ساتھ حقِ خود ارادیت کے حصول تک دیں گے۔ پاکستان کشمیری عوام کی حمایت جاری رکھے گا۔
The entire Pakistani nation stands as one in solidarity with our Kashmiri brothers and sisters. We will continue to raise our voice for their inalienable right to self determination #LetKashmirSpeak #KashmirSolidarityDay
— Ministry of Foreign Affairs – Pakistan (@ForeignOfficePk) February 5, 2020
یاد رہے کہ اس سے قبل وزیر خارجہ شاہ محمود قریشی نے کہا کہ مقبوضہ جموں و کشمیر پر 5 اگست کے اقدام سے واضح ہے کہ بھارت نے اقوامِ متحدہ کی قراردادوں کے ساتھ ساتھ اپنے ہی آئین کی بھی خلاف ورزی کی۔
یومِ یکجہتئ کشمیر کے حوالے سے اپنے خصوصی پیغام میں وزیر خارجہ شاہ محمود قریشی نے کہا کہ بھارت نے کشمیریت کے تصور کو سبوتاژ کرنے کی کوشش کی۔ بھارت کی بھول تھی کہ وہ کشمیریوں کی جدوجہد کو دبا سکتا ہے۔
خصوصی پیغام میں وزیر خارجہ شاہ محمود قریشی نے کہا کہ بھارت اپنے مذموم ارادوں میں بری طرح ناکام ہوا۔ بین الاقوامی برادری، انسانی حقوق کی تنظیموں اور عالمی میڈیا نے اسے بھارت کی ہٹ دھرمی قرار دیا۔
مزید پڑھیں: کشمیر پر کرفیو بھارتی آئین کی خلاف ورزی ہے۔وزیر خارجہ