گوگل نیوز پر ہمیں فالو کریںاسلام آباد: وزیرِ اعظم عمران خان نے کہا ہے کہ پاکستان نے بھارتی پائلٹ ابھی نندن کو واپس بھیج کر ذمہ داری کا ثبوت دیا، پاک فوج کے کامیاب ردِ عمل پر پوری قوم کو مبارکباد دیتا ہوں۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ میں آج پوری قوم کو مبارکباد دیتا اور مسلح افواج کو بھارتی غیر قانونی اور جارحانہ عسکری مہم جوئی کے خلاف کامیاب ردِ عمل پر سلام پیش کرتا ہوں۔
ٹوئٹر پیغام میں وزیرِ اعظم عمران خان نے کہا کہ بطور ایک معزز اور قابلِ اعتماد قوم ہم نے بھارتی جارحیت کا مؤثر اور اپنی مرضی سے ذمہ دارانہ جواب دیا۔ ہم ننے دنیا کے سامنے بھارتی فوج اور حکومت کی غیر ذمہ داری بے نقاب کردی۔
بھارتی جارحیت کی مذمت کرتے ہوئے وزیرِ اعظم عمران خان نے کہا کہ ہم نے بھارت کے گرفتار کیے گئے پائلٹ ابھی نندن کو واپس کرکے ذمہ دار قوم ہونے کا ثبوت دیا۔ پاکستان ہمیشہ امن کی خاطر مذاکرات کے ذریعے مسائل کے حل کیلئے کوشاں رہا ہے۔
We also demonstrated to the world Pakistan’s responsible behaviour in the face of India's irresponsible military brinkmanship, by returning the captured Indian pilot. We have always stood for peace & remain ready to move forward to resolve all outstanding issues through dialogue.
— Imran Khan (@ImranKhanPTI) February 27, 2021
وزیرِ اعظم عمران خان نے پاک بھارت عسکری رابطے کے دوران سیز فائر پر ردِ عمل دیتے ہوئے کہا کہ میں لائن آف کنٹرول پر پاک بھارت جنگ بندی کی بحالی کا خیر مقدم کرتا ہوں۔
پاکستان اور بھارت میں سیز فائر کا احترام اور قیامِ امن بھارتی ردِ عمل کا منتظر ہے۔ بھارت کو کشمیری عوام کے دیرینہ مطالبۂ حقِ خود ارادی کو اقوامِ متحدہ کی قراردادوں کے مطابق پورا کرنے کیلئے اقدامات اٹھانا ہوں گے۔
I welcome restoration of the ceasefire along the LOC. The onus of creating an enabling environment for further progress rests with India. India must take necessary steps to meet the long-standing demand & right of the Kashmiri people to self determination acc to UNSC resolutions.
— Imran Khan (@ImranKhanPTI) February 27, 2021
یاد رہے کہ وطنِ عزیز پاکستان میں سرپرائز ڈے آج منایا جارہا ہے جبکہ 27 فروری 2019ء کی بھارتی جارحیت اور پاک فوج کے شاندار ردِ عمل کو 2 برس مکمل ہو گئے۔
بھارتی طیاروں نے پاکستان کی فضائی حدود کی خلاف ورزی کی جس پر پاک فوج نے دشمن کا طیارہ مار گرایا اور ابھی نندن نامی بھارتی پائلٹ کو گرفتار کر لیا جس کی یاد میں آج سرپرائز ڈے منایا جارہا ہے۔
مزید پڑھیں: سرپرائز ڈے،بھارتی جارحیت پرپاک فوج کے شاندارردِ عمل کے 2 سال مکمل
