پاکستان میں تیل کی قیمتیں پورے خطے کے مقابلے میں سب سے کم ہیں، فواد چوہدری

اسلام آباد: وفاقی وزیر اطلاعات فواد چوہدری کا کہنا ہے کہ ملک میں تیل کی قیمتیں پورے خطے کے مقابلے میں سب سے کم ہیں۔

فواد چوہدری نے ٹوئٹر پر جاری بیان میں کہا کہ عالمی مارکیٹ میں تیل کی قیمتوں میں مسلسل اضافے کے باعث حکومت کے پاس تیل کی قیمتوں میں اضافے کے سوا کوئی چارہ نہیں تھا۔

عالمی مارکیٹ میں تیل کی قیمتوں میں مسلسل اضافے کے باعث حکومت کے پاس تیل کی قیمتوں میں اضافے کے سوا کوئ چارہ نہیں تھا، لیکن اس اضافے کے باوجود پاکستان میں تیل کی قیمتیں اس پورے علاقے میں سب سے کم ہیں۔ pic.twitter.com/qddqCOiG7T

— Ch Fawad Hussain (@fawadchaudhry) July 15, 2021

وفاقی وزیر اطلاعات نے عالمی مارکیٹ میں تیل کی مسلسل بڑھتی ہوئی قیمتوں کو ملک میں پیٹرول کی قیمت میں اضافے کی وجہ قرار دیا ہے۔

دوسری جانب اس سے قبل وفاقی وزیر اطلاعات و نشریات فواد چوہدری کا ایک تقریب میں خطاب میں کہنا تھا کہ امریکی انخلاء کے بعد دنیا افغانستان کی موجودہ صورتحال سے آنکھیں چرا رہی ہے، تاہم کسی مائی کے لعل میں جرات نہیں جو ہماری مرضی کے بغیر ہم فیصلے مسلط کرے۔

وفاقی وزیر فواد چوہدری کا ایک تقریب سے خطاب کرتے ہوئے کہنا تھا کہ ایک نئی سوچ جنم لی رہی ہے کہ مسائل جنگوں سے حل نہیں ہوتے۔ انہوں نے سختی سے کہا کہ خطے کی بدلتی ہوئی صورتحال پر مکمل نظر رکھے ہوئے ہیں۔

بھارت کے حوالے سے گفتگو کرتے ہوئے وزیر اطلاعات و نشریات کا کہنا تھا کہ بھارت کی انفولیب پکڑی گئی ہے جو تقریباً 900 ویب سائٹس چلا رہی تھی، بھارت ان ویب سائٹس کو پاکستان کے خلاف پروپیگنڈے کے طور پر استعمال کررہا تھا۔

وفاقی وزیر کا مزید کہنا تھا کہ پاکستان پر ایف اے ٹی ایف (فیٹف) کی پابندیاں لگتی ہیں، اس میں ہمارا اپنا کردار بھی شامل ہے، انٹرنیشنل لیگل فریم ورک کو بطور وار فیئر پاکستان میں استعمال کیا جا رہا ہے، ہم سب مل کر ان تمام چیلنجز کا مقابلہ کریں گے۔

مزید پڑھیں: وزیراعظم کہہ چکے افغانستان کے امن میں شراکت دار ہیں جنگ میں نہیں، فواد چوہدری

فواد چوہدری نے مزید کہا کسی بھی اداریمیں پروموشن کیلئے ضروری ہے کہ صلاحیت کو مدنظررکھا جائے، وار فیئر کیلئے اپنی صلاحیتوں کو بڑھانا پڑے گا کیونکہ بیانیہ اور رائے کی جنگ تیزی سے پروان چڑھ رہی ہے۔