گوگل نیوز پر ہمیں فالو کریںتمام اپوزیشن جماعتیں آج حکومت کے خلاف احتجاج کی حکمت عملی طے کرنے کے لیے سر جوڑ کر بیٹھیں گی اور اپوزیشن مطالبے پر بلائے گئے ہنگامی اجلاس سے قبل تبادلۂ خیال کیا جائے گا۔
سینیٹ میں اپوزیشن جماعتوں کی پارلیمانی پارٹی کا اجلاس آج سہ پہر 3 بج کر 15 منٹ پر ہوگا جس کی صدارت قائدِ حزبِ اختلاف راجہ ظفر الحق کریں گے۔
کمیٹی روم 1 میں منعقد ہونے والے اجلاس میں سینیٹ سیشن کے دوران اپوزیشن جماعتوں کی طرف سے حکومت کے خلاف احتجاج کے طریقہ کار اور پارٹی بیانیوں کی جزئیات زیرِ غور آئیں گی۔
یہ بھی پڑھیں: حکومت نے ترکی کی مددسے کارکا تنازعہ کامیابی سے حل کرلیا، وزیراعظم
یاد رہے کہ سینیٹ کا ہنگامی اجلاس آج وفاقی دارالحکومت اسلام آباد میں ہوگا جبکہ اپوزیشن کے مطالبے پر طلب کیے گئے اجلاس میں اپوزیشن کی سیاسی جماعتوں کی طرف سے حکومت کے خلاف شدید احتجاج متوقع ہے۔
چیئرمین سینیٹ صادق سنجرانی اجلاس کی صدارت کریں گے جس میں اپوزیشن کی طرف سے ملک کی سیاسی صورتحال اور مہنگائی کے معاملات پر حکومت کے خلاف شدید احتجاج کا امکان ہے۔
وفاقی دارالحکومت اسلام آباد میں سینیٹ کا ہنگامی اجلاس آج سہ پہر 4 بجے منعقد ہوگا جبکہ قانون سازی کی بجائے حکومتی صدارتی آرڈیننس کی پالیسی پر بھی اپوزیشن کی طرف سے شدید نکتہ چینی اور بیان بازی متوقع ہے۔
مزید پڑھیں: اپوزیشن کے مطالبے پر طلب کیا گیا سینیٹ کا ہنگامی اجلاس آج اسلام آباد میں ہوگا
