گوگل نیوز پر ہمیں فالو کریںجنیوا: اقوامِ متحدہ کے جنرل سیکریٹری انتونیو گوتریس نے کہا ہے کہ جب تک ساری دُنیا کورونا وائرس سے پاک نہ ہوجائے ، ہم میں سے کوئی محفوظ نہیں۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ جب تک دنیا کے تمام ممالک محفوظ اور صحت مند نہ ہوں، دنیا کے کسی بھی ملک کو محفوظ اور صحت مند قرار نہیں دیا جاسکتا۔
پیغام میں جنرل سیکریٹری انتونیو گوتریس نے کہا کہ دنیا میں کورونا وائرس کی ویکسین تیار کرنے کیلئے مل جل کر کام جاری ہے، جسے عوامی ویکسین بنانا بھی ضروری ہے۔
اقوامِ متحدہ کے جنرل سیکریٹری نے کہا کہ کورونا وائرس کی ویکسین بنانے کے بعد ہمیں یہ بات یقینی بنانا ہوگی کہ ہر ملک میں ہر جگہ سے ہر شخص کیلئے ویکسین دستیاب ہو تاکہ کوئی اس سے محروم نہ رہے۔
No country is safe and healthy until all countries are safe and healthy.
As we work together to develop a #COVID19 vaccine, we must ensure that it is truly a people's vaccine – accessible to everyone, everywhere.
— António Guterres (@antonioguterres) August 23, 2020
یاد رہے کہ اِس سے قبل کورونا وائرس کے باعث دنیا بھر میں 2 کروڑ 35 لاکھ افراد متاثر ہوئے جبکہ وائرس سے متاثرہ 8 لاکھ 12 ہزار سے زائد افراد ہلاک ہو گئے ہیں۔
دنیا کے 190 سے زائد ممالک میں کورونا وائرس سے مجموعی طور پر2 کروڑ 35 لاکھ 83ہزار616 افراد متاثر ہوئے جبکہ متاثرہ کیسز میں سے 5 فیصد (8لاکھ12ہزار513) افراد جان کی بازی ہار گئے۔
مزید پڑھیں: دُنیا بھر میں کورونا وائرس کے باعث 8 لاکھ 12ہزار افراد ہلاک
