گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ آئین رد کرنے والوں کے لیے عوام کے دلوں میں کوئی جگہ نہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ قیامِ امن کے دشمن اور شرپسند عناصر منہ کی کھائیں گے۔
اپنے پیغام میں فردوس عاشق اعوان نے کہا کہ دوسروں کے ہاتھ کا کھلونا بننے والے شر پسندوں کو قبائلی عوام کی ترقی اور خوشحالی سے نہیں کھیلنے دیں گے۔
قیام امن کے دشمن اور شرپسند عناصر منہ کی کھائیں گے۔پاکستان کے آئین کو رد کرنے والوں کیلئے پاکستان کے عوام کے دلوں میں کوئی جگہ نہیں۔ دوسروں کے ہاتھ کا کھلونا بننے والے شر پسندوں کو قبائلی عوام کی ترقی اور خوشحالی سے نہیں کھیلنے دیں گے۔
— Dr. Firdous Ashiq Awan (@Dr_FirdousAwan) February 2, 2020
ڈاکٹر فردوس عاشق اعوان نے کہا کہ وزیراعظم عمران خان قبائلی عوام کی خوشحالی کیلئے پرعزم اورسرگرم عمل ہیں۔انضمام شدہ علاقوں کی تعمیر و ترقی خصوصاً نوجوانوں کیلئے روزگار کی فراہمی ہماری ترجیح ہے۔
فردوس عاشق اعوان نے کہا کہ محب وطن قبائلی عوام کو ان کی قربانیوں،صبر اور استقامت کا پھل ہر صورت ملے گا۔آئینی و جمہوری حقوق کی فراہمی یقینی بنا کر انہیں بااختیار بنائیں گے۔
آئینی جمہوری حقوق کی فراہمی یقینی بنا کر انہیں بااختیار بنائیں گے۔
2/2— Dr. Firdous Ashiq Awan (@Dr_FirdousAwan) February 2, 2020
یاد رہے کہ اس سے قبل وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا کہ نئے پاکستان کی بنیاد رشتوں کو مضبوط بنانے والے احساس پر قائم ہے۔
ٹوئٹر پر دو روز قبل اپنے پیغام میں معاونِ خصوصی فردوس عاشق اعوان نے کہا کہ احساس کا رشتہ انسانی رشتوں کو مضبوط بناتا ہے جس پر نئے پاکستان کی بنیاد رکھی گئی ہے۔
مزید پڑھیں: نئے پاکستان کی بنیاد احساس پر قائم ہے۔فردوس عاشق اعوان
