نارتھ کراچی صنعتی ایریا کے ورکرز کے لیے آئی کیمپ ،مریضوں نے آنکھوں کامفت معائنہ

کراچی : نکاٹی ویلفیئر کلینک میں الریاض اسپتال کی زیرنگرانی200ورکرز ودیگر مریضوں نے آنکھوں کامفت معائنہ کروایا نارتھ کراچی ایسوسی ایشن آف ٹریڈ اینڈ انڈسٹری (نکاٹی)  کی جانب سے صنعتی ورکرزکو طبی سہولیات کی فراہمی کے لیے قائم کردہ نکاٹی ویلفیئر کلینک میں الریاض اسپتال کی زیر نگرانی ایک روزہ فری آئی کیمپ کا انعقاد کیا گیا۔

جس میں نارتھ کراچی صنعتی ایریا کی فیکٹریوں میں کام کرنے والے ورکرز اور صنعتی ایریا سے ملحق آبادیوں کے مکینوں نے ماہر ڈاکٹرز سے آنکھوں کا مفت معائنہ کروایاجن کے تعداد 200سے زائد تھی۔

مزید پڑھیں:اے پی ایس: دُعا ہے دُنیا میں پھر کوئی آنکھ ایسا سانحہ نہ دیکھے۔ماہرہ خان

نکاٹی ویلفیئر کلینک کے کلینکل سروس منیجر ڈاکٹرزبید خان اور ایڈمنسٹریٹر عبدالغنی اعوان نے اس موقع پر بتایا کہ آئی کیمپ میں معائنہ کروانے والے ورکرزاور لوگوں کو بہترین طبی نسخے تجویز کیے گئے جبکہ جن ورکرز و علاقہ مکینوں کو آپریشن کی ضرورت ہے ان کا الریاض اسپتال میں آپریشن کیا جائے گا۔

آئی کیمپ میں آنکھوں کا معائنہ کروانے والے تمام مریضوں کو مفت ادویات دی گئیں جس کی وجہ سے نارتھ کراچی صنعتی ایریا کے ورکرزنے نکاٹی ویلفیئر کلینک کو ایک نعمت قرار دیا جہاں انہیں معیاری طبی سہولیات بمع ادویات مسیر ہیں۔