ہمارے گھر نیا مہمان آگیا ہے۔بیٹے کی پیدائش پر عاطف اسلم کا اظہارِ مسرت

نامور گلوکار عاطف اسلم نے دوسری بار والد بننے پر مسرت کا اظہار کرتے ہوئے کہا ہے کہ ہمارے گھر نیا مہمان آگیا ہے، جبکہ انہوں نے سوشل میڈیا صارفین سے دُعا کی درخواست بھی کی۔

سماجی رابطے کی ویب سائٹ انسٹا گرام پر گلوکار عاطف اسلم نے اپنے بیٹے کی تصویر شیئر کرتے ہوئے کہا کہ خواتین و حضرات ہمارے گھر اللہ کے فضل سے نیا مہمان آگیا۔

https://www.instagram.com/p/B6VNGpwllxM/?utm_source=ig_embed

گلوکار عاطف اسلم نے اپنے اکاؤنٹ پر بچے کی تصویر کے ساتھ نئے مہمان کی آمد کی خبر دیتے ہوئے کہا کہ زچہ و بچہ دونوں خیریت سے ہیں جبکہ ماشاء اللہ کہتے ہوئے ہمیں دُعاؤں میں یاد رکھیں۔ 

یاد رہے کہ اس سے قبل کوک اسٹوڈیو کے سیزن 12 کا آغاز عاطف اسلم کی حمد ’وہی خدا ہے‘ سے ہوا،ویڈیو نے ریلیز ہوتے ہی دھوم مچا دی، حمد کی مقبولیت کا اندازہ اس بات سے لگا یا جاسکتا ہے کہ ویڈیو ریلیز ہوتے ہی ٹوئٹر پر سرفہرست ٹرینڈز میں کوک اسٹوڈیو چھا گیا۔

عاطف اسلم کی اس ویڈیو نے 40 منٹ میں ایک لاکھ چالیس ہزار ویوز حاصل کر لیے۔عاطف اسلم کے مداحوں کی جانب سےاکتوبر میں اسے  بے حد پسند کیا گیا۔ایک صارف نے ’وہی خدا ہے‘ کو کوک اسٹوڈیو کا بہترین آغاز قرار دیا۔

مزید پڑھیں: اطف اسلم کی حمد’وہی خدا ہے‘ نے دھوم مچا دی