گوگل نیوز پر ہمیں فالو کریںپی ٹی آئی لیڈر شپ اور کارکنوں کی جانب سے کوئی بھی بات نہ ماننے کی روش کے باعث حکومت نے پی ٹی آئی کے ساتھ مزید مذاکرات اور بات چیت نہ کرنے کا اعلان کر دیا۔
جس کے بعد فورسز کی جانب سے ڈی چوک اور جناح ایونیو کو طاقت کے زور پر پی ٹی آئی کے مظاہرین سے خالی کرنے کا سلسلہ جاری ہے اور دونوں طرف سے مسلسل جھڑپوں کی اطلاعات آ رہی ہیں۔
اس دوران وزیر اعظم میاں شہباز شریف نے وفاقی کابینہ کا اہم اجلاس کل طلب کرلیا ہے، جس میں پی ٹی آئی کے احتجاج اور سیاسی صورتحال سمیت دیگر اہم امور پر بات چیت ہوگی۔
وزیراعظم کی زیر صدارت کابینہ کے اجلاس میں ملک کی مجموعی سیاسی صورتحال سمیت دیگر امور زیر غور آئیں گے۔ میاں شہبازشریف پاکستان تحریک انصاف (پی ٹی آئی) کے احتجاج کے حوالے سے حکومتی حکمت عملی کا جائزہ لیں گے۔
