اسلام آباد: پاکستان مسلم لیگ (ن) کے قائد نواز شریف کا نام ایگزٹ کنٹرول لسٹ(ای سی ایل) سےاب تک نہ نکالاجاسکا، نوازشریف کی پیرکو بیرون ملک روانگی متوقع ہے۔
سابق وزیراعظم نواز شریف کی طبیعت بدستور تشویشناک ہے، جبکہ ان نام ای سی ایل سے نکالنے میں تاخیر کا سامنا ہے، قومی احتساب بیورو(نیب) اور وزارت داخلہ کے درمیان خط اور جوابی خط کے بعد معاملہ پیر تک مؤخر ہوگیا ہے۔
گزشتہ روزقومی احتساب بیورو ( نیب ) نے سابق وزیراعظم نواز شریف کا نام ای سی ایل سے نکالنے پر غیر مشروط طور پر مثبت جواب دینے سے انکار کردیا تھااور کہاتھا کہ نام نکالنے کے لیے مضبوط شواہد ہونے چاہییں۔
مزید پڑھیں: آصف علی زرداری کی زندگی کو سخت خطرات لاحق ہیں۔ترجمان عامر فدا پراچا