گوگل نیوز پر ہمیں فالو کریںاسلام آباد: چین کے 70 ویں قومی دن کے موقع پر وزیراعظم عمران خان نے کہا ہے کہ پاکستانی عوام کی جانب سے اپنے سچے دوست چین کو مبارک باد دیتاہوں۔
سماجی رابطے کی ویب سائٹ ٹوئٹر پر اپنے پیغا م میں وزیراعظم عمران خان کا کا کہنا تھا کہ چین کی ترقی اور کرپشن کے خلاف جدوجہد کا ہمیشہ معترف رہا ہوں، پاکستان اور چین کے تعلقات مضبوط سے مضبوط تر ہو رہے ہیں۔
عوامی جمہوریہ چین کی 70ویں سالگرہ کے موقع پر آج ہم بطور قوم اپنے سچے اور پکے دوست چین کو مبارکباد پیش کرتے ہیں۔ میں ہمیشہ سے چین کی ترقی اور کرپشن کیخلاف جنگ کا معترف ہوں۔پاک-چین دوستی مضبوط سے مضبوط تر ہورہی ہے اور سی پیک دیرپا تعلقات کے حوالے سے ہمارے باہمی عزم کی زندہ مثال ہے۔
— Imran Khan (@ImranKhanPTI) October 1, 2019
عمران خان کا کہنا تھا کہ پاک چین اقتصادی راہداری (سی پیک) پاک چین دوستی کی بہترین مثال ہے، پاکستان اورچین گہرے دوست اور ہمسائےہیں، چین کی معاشی کامیابی ترقی پذیر ممالک کے لئے مثال ہے۔
یہ بھی پڑھیں: وزیراعظم عمران خان آئندہ ہفتے چین کے دورے پرجائیں گے
انہوں نے کہا کہ چین پاکستان سی پیک اور اسٹریٹجک شراکت داری کا فروغ چاہتے ہیں، چین کے ساتھ تعلقات کو پاکستانی عوام خصوصی اہمیت دیتے ہیں۔
