گوگل نیوز پر ہمیں فالو کریںکراچی میں موسلا دھار بارش کے بعد سڑکوں، گلیوں اور شاہراہوں سے پانی نکالنے کا کام جاری ہے جس کے حوالے سے ترجمان سندھ حکومت بیرسٹر مرتضیٰ وہاب نے ویڈیو جاری کردی۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ ڈیفنس میں فیز 6 کے علاقے سے پانی کو پمپ کے ذریعے نکالا جارہا ہے۔
پیغام کے مطابق سندھ حکومت ڈیفنس فیز 6 میں علی مسجد کے علاقے سے پانی نکالنے کے کام میں مصروف ہے، تاہم بد قسمتی سے خیابانِ اتحاد اور بخاری کمرشل کے علاقوں میں برساتی نالے موجود نہیں ہیں۔
ترجمان سندھ حکومت بیرسٹر مرتضیٰ وہاب نے کہا کہ ڈیفنس کے علاقے میں نالہ نہ ہونے کی وجہ سے ریلیف کے کاموں میں دشواری کا سامنا ہے۔ اگر کوئی شہری نکاسی کے حوالے سے کچھ جانتا ہے تو ہمیں پیغام بھیجے۔
بیرسٹر مرتضیٰ وہاب نے ایک ویڈیو بھی جاری کی ہے جس میں دِکھایا گیا ہے کہ ترجمان سندھ حکومت رین ایمرجنسی ڈیوٹی کے عملے کے ساتھ کراچی کی ایک سڑک پر موجود ہیں اور پانی نکالنے کا کام جاری ہے۔
Water is still being pumped out from the area of Phase 6, DHA around Ali Masjid by #SindhGovt. Unfortunately, lack of drains/disposal around Khayaban e Ittehad & Bukhari has impaired the speed of relief work in that area. If anyone has any idea about drains in thay area plz mesg pic.twitter.com/2W9xnD7rXG
— Murtaza Wahab Siddiqui (@murtazawahab1) August 31, 2020
یاد رہے کہ اِس سے قبل ترجمان سندھ حکومت بیرسٹر مرتضیٰ وہاب نے کہا کہ ڈیفنس ہاؤسنگ اتھارٹی (ڈی ایچ اے) کے تقریباً تمام علاقوں سے بارش کا پانی نکال دیا گیا جبکہ عوام کی مدد کیلئے مزید کام جاری ہے۔
ٹوئٹر پر گزشتہ روز اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ خیابانِ سحر 26 اسٹریٹ سے پانی کی نکاسی کے بعد ڈی ایچ اے تقریباً صاف اور ڈرائیونگ کے قابل ہے۔
مزید پڑھیں: ڈی ایچ اے کراچی سے بارش کا پانی نکال دیا گیا۔مرتضیٰ وہاب
