واشنگٹن: امریکی گلوکارہ چیریلین عرف چِر نے کہا ہے کہ صدر ڈونلڈ ٹرمپ کے پاس کورونا وائرس کے تدارک کیلئے کوئی منصوبہ نہیں جس کے نتیجے میں 20 لاکھ امریکی شہری مر جائیں گے۔
سماجی رابطے کی ویب سائٹ ٹوئٹر پر اپنے پیغام میں امریکی گلوکارہ چِر نے کہا کہ امریکی صدر ٹرمپ کے پاس صدارتی ٹول باکس میں کوئی اوزار نہیں۔ انہوں نے تباہ کن سمندری طوفان کے بعد عوام الناس پر کاغذی تولیے (پیپر ٹاولز) پھینکے لیکن اس کا کوئی فائدہ نہیں ہوا۔
پیغام میں گلوکارہ چیریلین نے کہا کہ اب ٹرمپ اور ان کے نئے مشیر (ڈاکٹر مِنگل) ڈاکٹر اسکاٹ ایٹلس کا خیال ہے کہ کورونا وائرس کو کم آبادی پر محدود کرنے کیلئے ہرڈ امیونٹی پلان قابلِ عمل ہے۔یہ انتہائی بری بات ہے کیونکہ 20 لاکھ امریکی شہری اِس کی وجہ سے مر جائیں گے، جبکہ یہ کوئی مبالغہ آرائی نہیں۔
Trump Doesn’t Have Any
Tools In His Presidential Tool Box.HE THREW PAPER TOWELS AT PEOPLE AFTER DEVASTATING HURRICANE,&IT DIDNT WORK. NOW TRUMP & HIS NEW ADVISER(DR MENGLE) dr.Scott Atlas,THINK THE”HERD IMMUNITY PLAN”IS THE ANSWER.2 BAD”2 MILLION PPL WILL DIE”,NO EXAGGERATION🙏🏻— Cher (@cher) September 1, 2020
یاد رہے کہ اِس سے قبل امریکی گلوکارہ چیریلین عرف چِر نے کہا کہ اگر ڈونلڈ ٹرمپ کو دوبارہ امریکا کی صدارت دی گئی تو روسی ہم منصب ولادی میر پیوٹن انہیں سبق سکھائیں گے۔
ٹوئٹر پر گزشتہ ہفتے اپنے پیغام میں امریکی گلوکارہ چیرلین عرف چِر نے کہا کہ میں کیلیفورنیا کے شہر مالیبو میں ہوں جہاں مجھے گلوکاری کیلئے شوز دستیاب نہیں جبکہ یہ امریکا کے مستقبل کی بات ہے۔ عوام کو سوچنا چاہئے کہ آپ کے بچے جمہوریت میں سانس لے رہے ہیں یا آمریت میں؟
مزید پڑھیں: ٹرمپ کو صدارت ملی تو پیوٹن سبق سکھائیں گے۔چیریلین