گوگل نیوز پر ہمیں فالو کریںاسلام آباد: چیئرمین پیپلز پارٹی بلاول بھٹو کا کہنا ہے کہ ہم اسلامی وفاقی نظام چاہتے ہیں، اس کٹھ پتلی حکومت کو گھر بھیجیں گے،سلیکٹڈ اور کٹھ پتلی نظام کو نہیں مانتے۔
اسلام آباد میں آزادی مارچ کے شرکاء سے خطاب کرتے ہوئے بلاول بھٹو زرداری کا کہنا تھا کہ 70 سال میں ہم صاف وشفاف الیکشن نہیں کراسکے، ، یہ کس قسم کی آزادی ہے جہاں نہ سیاست آزاد ہے اور نہ صحافت، ہمارا میڈیا بھی سلیکٹڈ ہے۔
بلاول بھٹوکاکہناتھا کہ ہمارا وزیراعظم نالائق ہے، عوام کا سلیکٹڈ نہیں ہے، عوام دشمن سلیکٹڈ حکومت عوام پر بوجھ ڈالتی ہے، عوام کٹھ پتلی اور سلیکٹڈ نظام کو نہیں مانتے اور صرف اور صرف جمہوریت مانگتے ہیں، عوام کا معاشی قتل کیا جارہا ہے۔
ان کا کہنا تھا کہ ملکی بجٹ کے فیصلے بھی آئی ایم ایف کر رہا ہے ،ہماری معیشت آزاد نہیں ،فیصلے آئی ایم ایف والے کرتے ہیں،میڈیا پر کلبھوشن یادیو کا انٹرویو چل سکتا ہے لیکن سابق صدر آصف زرداری کا نہیں ،یہ حکمران اقتدار میں عوام کی وجہ سے نہیں ،سازشوں سے آئے ہیں۔
مزید پڑھیں: آزادی مارچ: عمران خان کی کنٹینرکی سیاست آج دفن ہوگئی ہے، شہبازشریف کاخطاب
