عمران خان ذہنی مریض ہیں، میڈیکل چیک اپ ہوناچاہیے، مریم اورنگزیب

لاہور: مسلم لیگ (ن) کی ترجمان مریم اورنگزیب نے وزیراعظم عمران خان کو ذہنی مریض قرار دیتے ہوئے کہا ہے کہ ان کا میڈیکل چیک اپ ہوناچاہیے۔

وزیراعظم کی تقریر پر رد عمل دیتے ہوئے مریم اورنگزیب نے کہاکہ آج تقریر کے بعد یقین ہوگیا کہ عمران خان ذہنی مریض ہیں، تقریر سے پہلے وزیراعظم کا میڈیکل چیک اپ ہونا چاہیے، دنیا سن رہی ہوتی ہے۔

انہوں نے کہا کہ کے عمران خان کے خلاف اشتعال انگیز تقاریر کا مقدمہ چلنا چاہیے،پاکستان کا وزیراعظم کیا باتیں کررہا ہے ،سمجھ نہیں آرہی وہ منڈیلا جیسے عظیم شخص کو اپنے مخالفین سے کیوں ملارہے ہیں؟۔

انہوں نے کہا کہ مسئلہ یہ ہے کہ حکومت کی کارکردگی صفر ہے، یہ شہباز شریف کی خوش قسمتی ہے کہ ان کو منڈیلا جیسے عظیم لیڈر سے ملایا جائے جبکہ نوازشریف نےخود وہیل چیئر پر بیٹھنے سے انکار کیا ۔

مریم اورنگزیب نے یہ بھی کہا کہ وزیراعظم کو اپنی تقریر کے ذریعے عوام کو بتانا چاہیے تھا کہ پشاور بی آرٹی منصوبہ 5 سال سے مکمل کیوں نہیں ہو پا رہا؟۔

اس سےقبل مریم اور نگزیب کاکہناتھا کہ پروڈکشن آر ڈر جاری ہونے کے باوجود سعد رفیق کو پارلیمنٹ میں نہ لانا پارلیمنٹ پر حملہ ہے ،رانا ثناء اللہ کے پروڈکشن آر ڈر جاری نہیں کئے جارہے ہیں ، اس کا جواب پنجاب حکومت اور عمران خان کو دینا پڑے گا ،عمران خان جو کر رہے وہ دانتوں سے کھولیں گے۔

مریم اورنگزیب نے کہا کہ عمران خان کرکٹ کی مثالیں دیتے ہیں آپ دوسری ٹیموں کو کھیلنے کا موقع تو دیں،جرات ہے تو جیلوں سے مخالفین کو نکالیں اور مقابلہ کریں ،تحریک انصاف خود الیکشن کمیشن کو ہراساں کر رہے ہیں ۔

عمران خان جرات ہے تو روزانہ الیکشن کمیشن کے سامنے پیش ہوں، وزیر اعظم اپنے ترجمانوں کو نواز شریف کا سیکورٹی گارڈ بھرتی کر دیں،نیب کی جرات نہیں کہ حکومتی کرپشن کے خلاف کارروائی کرے۔