گوگل نیوز پر ہمیں فالو کریںپاکستانی فلم ایکٹریس مہوش حیات نے کہا ہے کہ ملیحہ لودھی ایک بہترین سفارت کار اور پاکستان کا حقیقی سرمایہ تھیں جبکہ انہوں نے مجھے پاکستان کی نمائندگی کرنے کے لیے پلیٹ فارم دیا۔
اداکارہ مہوش حیات نے گزشتہ روز سماجی رابطے کی ویب سائٹ ٹوئٹر پر اپنے پیغام میں کہا کہ مجھے ملیحہ لودھی کی اقوام متحدہ میں پاکستان کی مستقبل مندوب کی حیثیت سے سبکدوشی پر افسوس ہے۔
یہ بھی پڑھیں: فوک گلوکاری کی ملکہ شازیہ خشک نے گانے کو ہمیشہ کے لیے خدا حافظ کہہ دیا
مہوش حیات نے کہا کہ ملیحہ لودھی بیرون ملک پاکستان کی بہترین نمائندگی کر رہی تھیں جبکہ مغرب میں پاکستان کی درست تصویر پیش کرنے کے حوالے سے سب سے پہلے ملیحہ لودھی نے اقوامِ متحدہ میں مجھے موقع دیا۔
Sad to see @LodhiMaleeha leave. She was the consummate diplomat and a real asset to Pakistan. I remember she was the first to give me a platform at the UN to talk about portrayal of Pakistan in west. More power to you ! pic.twitter.com/hN8QQxG5a8
— Mehwish Hayat TI (@MehwishHayat) October 4, 2019
یاد رہے کہ اس سے قبل پاکستانی فلم ایکٹریس مہوش حیات کہہ چکی ہیں کہ فلم انڈسٹری کے لیےمحض تفریح ناکافی ہے اورایک فنکار کے لیے یہ بھی ضروری ہے کہ معاشرتی مسائل پر روشنی ڈالے جبکہ سیاسی اور سماجی مسائل پر بات چیت ضروری ہے۔
مہوش حیات نے کہا کہ موجودہ دور میں اداکاری کے ذریعے کچھ بھی ناممکن نہیں۔ اگر ہم سب متحد ہوجائیں اور مل کر کسی مقصد کے لیے کام کریں تو امن کی راہ میں حائل رکاوٹوں کو دور کیا جاسکتا ہے۔قومیت کے دائرے میں قید نہیں ہونا چاہئے بلکہ بین الاقوامی امن اور پر سکون مستقبل کے لیے کام کرنا چاہئے۔
مزید پڑھیں: تفریح کافی نہیں، سیاسی اور سماجی مسائل پر بات ضروری ہے۔مہوش حیات
