خیبرپختونخوا کے ضلع دیر میں کاؤنٹر ٹیررزم ڈیپارٹمنٹ اور انٹیلی جنس اداروں کی مشترکہ کارروائی میں کالعدم تنظیم کا اہم کمانڈر ہلاک ہوگیا۔

ترجمان کے مطابق دہشت گردوں سے مقابلے میں کالعدم تنظیم کا کمانڈرہلاک ہوگیا جبکہ دیگر دہشت گرد فرار ہوگئے۔

ہلاک دہشت گرد سیکیورٹی فوسرز پر حملوں سمیت بھتہ خوری میں بھی ملوث تھا۔ دہشت گرد کے قبضے سے اسلحہ اور بارود بھی برآمد کرلیا گیا ہے۔

یہ بھی پڑھیں:

ترجمان سی ٹی ڈی کے مطابق خیبرپختونخوا حکومت نے کارروائی میں ہلاک دہشت گرد کے سر کی قیمت 20 لاکھ روپے مقرر کی تھی۔

واضح رہے کہ اس سے قبل 15 اگست کو بھی سیکیورٹی فورسز نے شمالی وزیرستان کے علاقے میر علی میں انٹیلی جنس معلومات کی بنیاد پر خفیہ آپریشن کیا جس کے نتیجے میں ایک دہشت گرد ہلاک ہوگیا جس کے قبضے سے بھاری اسلحہ برآمد کرلیا گیا۔

بیان میں بتایا گیا تھا کہ ہلاک ہونے والا دہشت گرد سیکیورٹی فورسز کے خلاف دہشت گردی کی کارروائیوں کے ساتھ ساتھ عام شہریوں کے قتل عام میں ملوث تھا۔