حکومت کالے قوانین کی منظوری کیلئے اتحادیوں پر دباؤ ڈال رہی ہے۔سعد رفیق

اسلام آباد: پاکستان مسلم لیگ (ن) کے سینئر مرکزی رہنما و سابق وزیرِ ریلوے خواجہ سعد رفیق نے کہا ہے کہ حکومت کالے قوانین کی منظوری کیلئے اتحادیوں پر دباؤ ڈال رہی ہے۔

سماجی رابطے کی ویب سائٹ ٹوئٹر پر اپنے پیغام میں سابق وزیرِ ریلوے خواجہ سعد رفیق نے کہا کہا یک طرف قانون سازی کیلئے اسپیکر نے اپوزیشن لیڈر کوخط لکھ دیا اور قائدِ حزبِ اختلاف نے قانون سازی کیلئے مذاکرات پر اتفاق کر لیا ہے تاہم دوسری جانب شدید دباؤ ہے۔

یہ بھی پڑھیں:

حکومت نے عوام کو مہنگائی کے ہاتھوں خودکشی پر مجبور کردیا۔سعد رفیق

ہمیں حکومت گرانے کی جلدی نہیں، مگر 5سال پورے نہیں ہوں گے۔سعد رفیق

انہوں نے یا منافقت تیرا ہی آسرا، سرکار کو شرم نہ حیا کا نعرہ لگاتے ہوئے کہا کہ حکومت اتحادیوں اور ناراض ممبران پر شدید دباؤ ڈال کر اتفاقِ رائے کے بغیر سرکاری گنتی پوری کرکے پارلیمنٹ کے مشترکہ اجلاس میں کالے قوانین منظور کرانے کی سازش کر رہی ہے۔

ایک طرف : قانون سازی کیلئے سپیکر کا اپوزیشن لیڈر کوخط
اپوزیشن لیڈر کا قانون سازی کیلئے مذاکرات پر اتفاق

دوسری طرف: اتحادیوں اورناراض ممبران پر شدیددباؤ
اتفاق راۓ کے بغیرحکومتی گنتی پوری کرکے جائنٹ سیشن میں کالے قوانین پاس کروانے کی سازش

یامنافقت تیراھی آسرا
سرکار کو شرم نہ حیأ

— Khawaja Saad Rafique (@KhSaad_Rafique) November 16, 2021

خیال رہے کہ اس سے قبل سابق وزیرِ ریلوے خواجہ سعد رفیق نے کہا کہ حکومت نے عوام کو مہنگائی کے ہاتھوں خودکشی پر مجبور کردیا ہے، وزیر اعظم نے تو کہا تھا کہ میں خودکشی کرلوں گا لیکن قرضے نہیں لوں گا۔

 ٹوئٹر پر آج سے 4 روز قبل اپنے پیغام میں وزیر اعظم عمران خان کو مخاطب کرتے ہوئے ن لیگی رہنما خواجہ سعد رفیق نے کہا کہ تم نے کیا کہا اور کیا کیا؟ کہا یہ کہ قرضے نہیں لوں گا، خودکشی کر لوں گا لیکن قرضوں کا بوجھ دُگنا کردیا۔