گوگل نیوز پر ہمیں فالو کریںاسلام آباد:وفاقی دارالحکومت میں ڈینگی مچھر سے متاثرہ مریضوں کی تعداد 1150 سے تجاوز کر گئی ہے۔ڈسٹرکٹ ہیلتھ آفیسر ڈاکٹر ضعیم ضیاء کے مطابق وفاقی دارالحکومت اسلام آباد میں ڈینگی مچھر سے متاثرہ مریضوں کی تعداد 1151 ہو گئی۔
ڈینگی سے متاثرہ اسلام آباد کے 218 شہری اسلام آباد و راولپنڈی کے مختلف ہسپتالوں میں داخل ہیں،536 مریض صحتیاب ہوکر ہسپتالوں سے ڈسچارچ ہوچکے تاہم ڈینگی متاثرہ 5 مریض انتقال کرچکے ہیں۔
ڈی ایچ او کے مطابق گزشتہ روز ڈینگی کے مزید121 نئے کیسز سامنے آئے ہیں۔ رواں سیزن کے دوران ڈینگی کے سب سے زیادہ 360 کیسز ہولی فیملی ہسپتال راولپنڈی میں لائے گئے۔
بے نظیر بھٹو ہسپتال راولپنڈی میں 87، ڈی ایچ کیو ہسپتال راولپنڈی میں 19، پمز میں 53، پولی کلینک میں 62، فیڈرل جنرل اسپتال میں 139، سی ڈی اے اسپتال میں ڈینگی کے 16 مریض لائے گئے۔
مزید پڑھیں: پاکستان میں کورونا کے 955نئے کیسز رپورٹ، 29مزید شہری جاں بحق
