گوگل نیوز پر ہمیں فالو کریںوزیراعظم عمران خان کی سویڈن کے وزیراعظم اسٹیفن لوف وِن ٹیلی فون پر گفتگو ہوئی، وزیراعظم نے سویڈن ہم منصب کو مقبوضہ کشمیر میں جاری بھارتی مظالم سے آگاہ کیا۔
سرکاری خبر رساں ادارے کے مطابق وزیر اعظم عمران خان کی سویڈن ہم منصب سے ٹیلی فونک گفتگو ہوئی، وزیراعظم نے انہیں بھارت کی جانب سے 5 اگست کے غیر قانونی اور یکطرفہ اقدامات سے آگاہ کیا۔
وزیراعظم کا کہناتھا کہ 5اگست کو بھارت نے غیر قانونی طریقے سے خطے میں ڈیموگرافک تبدیلی کی کوشش کی، انہوں نے اس بات پر زور دیا کہ یہ اقدامات اقوام متحدہ کی سلامتی کونسل کی قراردادوں اور بین الاقوامی قانون کی خلاف ورزی ہیں۔
Prime Minister Imran Khan held a telephonic conversation with Prime Minister Stefan Lofven of Sweden.
Prime Minister highlighted India’s illegal & unilateral steps of 5th August to change the disputed status of Indian occupied Jammu & Kashmir & to alter its demographic structure. pic.twitter.com/culWCvD87w— Govt of Pakistan (@pid_gov) September 18, 2019
وزیراعظم عمران خان نے مقبوضہ کشمیرسے45 روز سےجاری کرفیوکےخاتمے پر زور دیتے ہوئے کہا کہ بھارتی فوج مقبوضہ وادی میں انسانی حقوق کی پامالیاں کررہی ہے جسے فی الفور بند ہونا چاہیے، وزیر اعظم نے نقل و حرکت کی پابندیاں ختم کرنے، انسانی ہمدردی کی تنظیموں کو رسائی کی فراہمی اور کشمیری عوام کے حقوق اور آزادی کے احترام پر زور دیا۔
وزیراعظم نے کہا کہ بین الاقوامی برادری بھارت پر زور دے کہ وہ بین الاقوامی انسانی حقوق معاہدوں کے تحت اپنی ذمہ داریوں کی پاسداری کرےاورمقبوضہ کشمیر میں ہونے والے مظالم کو روکے۔
سویڈن کے وزیراعظم نے انسانی حقوق کی صورتحال پر تشویش کا اظہار کرتے ہوئے کشیدہ صورتحال میں کمی اور بات چیت کے ذریعے مسائل کے حل کی اہمیت کو اجاگر کیا۔ دونوں رہنمائوں نے خطے میں امن و استحکام کے لئے مل کر کام کرنے اور رابطے میں رہنے پر اتفاق کیا۔
