گوگل نیوز پر ہمیں فالو کریںکراچی : خوشحا لی مائیکرو فنانس بینک لمیٹڈ اور انٹرنیشنل فنانس کارپوریشن کے مابین تبدیلی پروگرام کے لئے مفاہمتی یاداشت پر دستخط ہوئے۔
اس منصوبے کے تحت کسانوں کو ڈیجیٹل زرعی مالی معاملات میں بااختیار بنانے اور پاکستان میں مائیکرو فنانس کے نئے صارفین تک رسائی بڑھانے کے لئے کام کیا جائے گا جس کی مدت دو سال تک برقرار رہے گی۔ اس پروگرام میں قطعہ سازی نقطہ نظر شامل ہو گا، جو متعلقہ پروڈکٹ کے تصورات کی فراہمی کے ذریعہ خوشحا لی مائیکرو فنانس بینک کی مارکیٹنگ حکمت عملی کو آگے بڑھائے گا۔
یہ پروگرام خوشحالی بینک کے موجودہ کسٹمر بیس اور بیرونی ذرائع دونوں سے دیٹا حاصل کرے گا، آئی ایف سی، ڈیجیٹل اور آسان مالیاتی حل پیش کرنے میں مدد کرے گا اس منصوبے کے تحت باہمی تعاون کے امکانات کوبھی حل کیا جائے گا۔
صدر خوشحالی مائیکر و فنانس بینک غالب نشتر نے اس منصوبے کے بارے میں گفتگو کرتے ہوئے کہا کہ، ــ’’یہ واقعی اعزاز کی بات ہے ،ہم آئی ایف سی جیسی تنظیم کے ساتھ مل کر ہمارے دیہی صارفین کو شہری طرز عمل متعارف کرانے ، مالیاتی حل فراہم کرنے کے ساتھ ساتھ مشترکہ اہداف کا ادراک کر رہے ہیں‘‘۔
اس موقع پر ریجنل مینیجر – آئی ایف سی ایڈوائزری سروسز، قمر سلیم نے بھی ان اقدام کے بارے میں اپنے خیالات کا اظہار کرتے ہوئے کہا کہ، ــ’’ان جیسے منصوبے مائیکرو فنانس سیکٹر میں آگے بڑھنے کا راستہ ہے کیونکہ وہ ایسی آبادی کو نشانہ بناتے ہیں جو مائیکرو فنانس خدمات سے زیادہ سے زیادہ فائدہ اٹھاسکے۔
خوشحالی مائیکر و فنانس بینک کے ساتھ شراکت میں، آئی ایف سی حقیقت پسندی کے تصورات میں تبدیل ہوسکتی ہے جس میں کسٹمر کی تقسیم، اعدادوشمار اور ماہر پر مبنی اسکور کارڈز کی نشوونما کے ذریعہ مناسب تغیرات، وزن کی نشاندہی کی جاسکتی ہے اور اس حل کو رسک گورننس فریم ورک کے ذریعے مربوط کیا جاسکتا ہے۔ اس کے علاوہ ہمارے باہمی تعاون کے نتیجے میں مجموعی معاشی نمو اور ملازمت کی تخلیق کے لئے ترقی کی راہیں تیز ہو سکیں‘‘۔
آئی ایف سی ایک اہم ترقیاتی مالیاتی ادارہ ہے، جو ورلڈ بینک گروپ کے ایک اہم حصے کے طور پر کام کرتا ہے جس کا مشن ترقی پذیر ممالک میں پائیدار نجی شعبے کی سرمایہ کاری کو فروغ دینا ہے۔ آئی ایف سی نے منتخب پریکٹیشنرز کیساتھ تعاون کر کے ایگری ڈیجیٹل طریقوں کی مدد کرنے میں نمایاں کردار اداکیا ہے جو مالی اعانت کی فراہمی میں مدد کر سکتے ہیں۔
یہ بھی پڑھیں :سی اے اے نے بغیر اجازت پاکستانی حدود میں داخل ہونیوالا امریکی فوجی طیارہ واپس بھگادیا
