گوگل نیوز پر ہمیں فالو کریںکراچی: پاکستان ٹیلی وژن کی معروف سینئر اداکارہ بشریٰ انصاری نے کہا ہے کہ میں ٹوئٹ نہیں کرتی اور مجھے ٹوئٹر گٹر سے نفرت ہے۔
سینئر اداکارہ بشریٰ انصاری نے سوشل میڈیا پلیٹ فارمز خصوصاً ٹوئٹر پر اپنے نام سے جعلی اکاؤنٹس کے ذریعے سیاستدانوں کے خلاف غیر اخلاقی گفتگو پر برہمی کا اظہار کیا ہے۔
بشریٰ انصاری نے اپنے ویڈیو بیان میں کہا کہ میرے جعلی ٹوئٹر اکاؤنٹ سے عمران خان کے خلاف باتیں کی گئیں، میراایسے بیانات سے کسی بھی قسم کا تعلق نہیں ہے۔ انہوں نے جعلی ٹوئٹر اکاؤنٹ سے کی گئی ٹوئٹ کی تصویر بھی دکھائی۔
View this post on Instagram
بشریٰ انصاری نے تصویر کے ساتھ ہی لکھا کہ وہ عام طور پر ٹوئٹر استعمال نہیں کرتیں،انہوں نے کہا کہ 2 سال میں ایک بار ہی ٹویٹر کو استعمال کیا ہوگا۔
بشریٰ انصاری نے انسٹاگرام پر ایک فالوور کے تبصرے پر کہا کہ کاش آپ کی آنکھیں ہوتیں تو آپ پڑھ لیتے کہ یہ میرے نام پر بنا ہوا جعلی اکاؤنٹ ہے، میں ٹوئٹ نہیں کرتی اور مجھے ٹوئٹر گٹر سے نفرت ہے۔
اُن کا مزید کہنا تھا کہ میرے جعلی ٹوئٹر اکاؤنٹ سے پی ٹی آئی چیئرمین کے خلاف باتیں کی گئیں، مجھے ان بیانات سے نفرت ہے اور یہ میرا اکاؤنٹ نہیں ہے۔
