گوگل نیوز پر ہمیں فالو کریںشام میں محصور پاکستانیوں کا بحفاظت انخلا شروع ہوگیا ہے اور 350 سے زائد پاکستانی لبنان کی سرحد پہنچ گئے ہیں۔
ذرائع ابلاغ کی رپورٹس کے مطابق شام میں محصور پاکستانیوں کے انخلا کے لیے حکومتی سطح پر ہونے والے اقدامات پر عمل در آمد شروع ہوگیا ہے۔
بتایا گیا ہے کہ اس آپریشن میں اب تک شام سے 350 سے زائد پاکستانی بحفاظت لبنان کی سرحد پہنچنے میں کامیاب ہوگئے ہیں۔
لبنان کی سرحد پہنچنے والے پاکستانی شہریوں کو لبنان کے دار الحکومت بیروت سے خصوصی پرواز کے ذریعے پاکستان روانہ کیا جائے گا۔
دوسری جانب حکومت پاکستان نے محصور شہریوں کے لیے بیروت کے ہوائی اڈے سے خصوصی پرواز 48 گھنٹوں میں شروع کرنے کا فیصلہ کرلیا ہے۔
حکام نے ذرائع ابلاغ کو بتایا کہ وزیر اعظم کی ہدایت پر سول ایوی ایشن خصوصی پروازوں کی اجازت دے گا۔
