ملک میں گزشتہ شب ربیع الاول کا چاند نظر نہیں آیا، اب 12 ربیع الاول 29 ستمبر بروز جمعہ کو ہوگی۔

پاکستان میں 12 ربیع الاول کی سرکاری چھٹی ہوتی ہے، جو جمعہ کو آ رہی ہے، ہفتہ اور اتوار کی 2 چھٹیاں ملا کر وفاق کے  سرکاری ملازمین 3 چھٹیاں کریں گے۔

یہ بھی پڑھیں:

 12 ربیع الاول کے موقع پر دن کا آغاز اکیس توپوں کی سلامی سے ہوگا۔ مساجد، سرکاری عمارتوں، مارکیٹوں اور اہم عمارتوں کو برقی قمقموں سے سجایا جائے گا۔

اس کے ساتھ ہی حسب روایت ملک بھر میں استقبال ربیع الاول کا آغاز ہو گیا ہے۔ گلیوں اور محلوں میں چراغاں کیے جا رہے ہیں اور ہر طرف قمقمے روشن کرکے اور نعتیں لگا کر خوشیوں اور مسرت کا اظہار کیا جا رہا ہے۔