گوگل نیوز پر ہمیں فالو کریںاسلام آباد: پاکستان سمیت دُنیا بھر میں موجود ہندو برادری دیوالی کا تہوار مذہبی جوش و جذبے سے آج منا رہی ہے جس کے دوران دئیے جلانے اور پکوان کی تیاری کے ساتھ ساتھ پوجا پاٹ بھی کی جائے گی۔
تفصیلات کے مطابق پاکستان میں ہندو، سکھ اور مسیحیوں سمیت ہر اقلیت کو اپنے تہوار بھرپور جوش و جذبے سے منانے کی آزادی حاصل ہے، ہر سال کی طرح رواں برس بھی ہندو برادری دیوالی کا تہوار منا رہی ہے۔
عموماً دیوالی کے روز ہندو برادری کپڑے، چپل ، گھڑیاں اور دیگر من پسند اشیاء کی خریداری کرتی ہے، رنگا رنگ کھانے تیار کیے جاتے ہیں اور دوست احباب سے ملاقاتیں بھی ہوتی ہیں۔
دیوالی کے تہوار کے دوران ہندو برادری رقص و سرود کی محفلیں بھی سجاتی ہے اور مندروں اور گھروں میں پوجا پاٹ بھی کی جاتی ہے۔ ہندوؤں کی مذہبی کتب کے مطابق دیوالی کا مفہوم والدین کی فرمانبرداری اور عزتِ نفس کیلئے لڑنے کا حوصلہ ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے ہندو برادری کو دیوالی کے تہوار پر مبارکباد پیش کی۔
ہمارے تمام ہندو شہریوں کو دیوالی کا تہوار مبارک.
— Imran Khan (@ImranKhanPTI) November 14, 2020
سینیٹ میں پیپلز پارٹی کی پارلیمانی لیڈر شیری رحمان نے بھی اپنے ٹوئٹر پیغام میں کہا کہ تمام ہندو دوستوں کو دیوالی کا تہوار مبارک ہو، کورونا وائرس کی ایس او پیز پر عملدرآمد کرتے ہوئے تہوار منائیے۔
Happy Diwali 🪔 to all my Hindu friends! Stay safe in Covid as you celebrate pic.twitter.com/uSNUeWLVu2
— SenatorSherryRehman (@sherryrehman) November 14, 2020
گورنر سندھ عمران اسماعیل نے بھی تمام ہندو برادری کوایک تصویر شیئر کرتے ہوئے دیوالی کے مذہبی تہوار کیلئے مبارکباد پیش کی۔
Happy Diwali to all Hindu community
— Imran Ismail (@ImranIsmailPTI) November 14, 2020
— Imran Ismail (@ImranIsmailPTI) November 14, 2020
یہ بھی پڑھیں: پاکستانی ہندو برادری کا اسلام آباد میں بھارتی مشن کے سامنے دھرنا
