گوگل نیوز پر ہمیں فالو کریںحزب اللہ نے دعویٰ کیا ہے کہ شام میں کونوکو گیس فیلڈ کے نزدیک امریکی فوجی اڈے پر اس کے راکٹ حملے میں 4 امریکی فوجی مارے گئے ہیں۔
عرب میڈیا کے مطابق لبنان کی مسلح تنظیم حزب اللہ کے حامی ٹی وی چینل نے اپنی رپورٹ میں دعویٰ کیا ہے کہ امریکی فوجی اڈے پر 15 راکٹس داغے جس سے امریکی ہیڈکوارٹر میں تنصیبات کو بھی نقصان پہنچا۔
حزب اللہ نے راکٹ حملے میں 4 امریکی فوجیوں کی ہلاکت کا دعویٰ کرتے ہوئے کہا کہ یہ حملہ امریکا کے المیادین شہر پر کیے گئے حملوں کا جواب ہے۔
تاہم امریکا کی جانب سے حزب اللہ کے اس راکٹ حملے میں اپنے فوجیوں کی ہلاکتوں کے دعوے کی تردید یا تصدیق نہیں کی گئی، البتہ اس سے قبل امریکی وزیر دفاع لائیڈ آسٹن حزب اللہ اور پاسداران انقلاب پر امریکی حملوں کی تصدیق کر چکے ہیں۔
خیال رہے کہ ایران کی حمایت یافتہ عسکری تنظیم حزب اللہ لبنان میں بہت مضبوط ہے اور وقتا فوقتا اسرائیل کو دھمکیاں دیتی رہتی ہے۔
