گوگل نیوز پر ہمیں فالو کریںرواں ہفتے 18 ستمبر سے 24 ستمبر تک نیٹ فلکس پر پیش کیے جانے والے سلسلوں کی فہرست سامنے آگئی ہے۔
بعض ناظرین کو نیٹ فلکس سیریز کے انتخاب میں مشکل ہوتی ہے انھی لوگوں کیلئے ایک فہرست تیار کی گئی ہے جس میں سے آپ باآسانی کسی بھی سیریز یا فلم کا انتخاب کرسکتے ہیں؟
لو اگین (20 ستمبر)
جیمز سی اسٹراؤس کی تحریر اور ہدایت کاری میں بننے والی یہ فلم میرا رے نامی ایک خاتون کے گرد گھومتی ہے جو اپنے منگیتر کی موت کے بعد ذہنی الجھنوں کا شکار ہوجاتی ہے، اسی دوران وہ اپنے منگیتر کے فون سے خود کو رومانوی پیغامات بھی بھیجتی ہے۔
اس کی کاسٹ میں پریانکا چوپڑا، سیم ہیوگن اور گلوکارہ سیلین ڈیون شامل ہیں۔
شیملیس (20 ستمبر)
ایک برطانوی سیریز پر مبنی یہ ڈرامہ شکاگو کے ایک غیر فعال خاندان کے گرد گھومتا ہے ، جس میں بہن بھائی اپنے شرابی والد سے پریشان ہیں۔
جانِ جان (21 ستمبر)
سوجوئے گھوش کی ہدایت کاری میں بننے والی جانِ جان کی کہانی ایکشن اور رومانس کے گرد گھومتی ہے۔ یہ جاپانی کتاب پر مبنی ہے جس میں دو باصلاحیت افراد جو پرانے دوست ہیں قتل کا معمہ حل کرتے ہیں۔
تاہم فلم میں اس کی کہانی میں اکیلی ماں اپنے پڑوسی کی مدد سے اپنے شوہر کے قتل کو چھپانے کی کوشش کرتی ہے۔
سیکس ایجوکیشن (21 ستمبر)
مقبول نیٹ فلکس سیریز سیکس ایجوکیشن کے مداحوں کیلئے خوشخبری ہے کہ رواں ہفتے اس سیریز کا چوتھا سیزن شروع ہورہا ہے۔
سانگ آف دی بینڈٹس (22 ستمبر)
سانگ آف دی بینڈٹس اپنے وطن اور پیاروں کی حفاظت کیلئے ڈاکوؤں سے مقابلہ کرتے ہیں اور اس دوران وہ مرنے سے بھی نہیں گھبراتے۔
اسپائے کڈِز: آرما گیڈون (22 ستمبر)
اسپائے کڈِز: آرما گیڈون ایک ایکشن کامیڈی فلم ہے ، فلم کا خلاصہ یہ ہے کہ جب دنیا کے سب سے بڑے خفیہ ایجنٹوں کے بچے نادانستہ طور پر ایک طاقتور گیم ڈیولپر کی مدد کرتے ہیں ایک کمپیوٹر وائرس جو اسے تمام ٹیکنالوجی کا کنٹرول فراہم کرتا ہے، تو انہیں اپنے والدین اور دنیا کو بچانے کے لیے خود جاسوس بننا چاہیے۔
