لاہور: جمعرات کی صبح علامہ اقبال انٹرنیشنل ایئرپورٹ میں آگ لگنے کی وجہ سے حج پرواز تاخیر کا شکار ہوگئی۔
ابتدائی اطلاعات کے مطابق آگ لگنے سے ایئرپورٹ پر امیگریشن سسٹم کو جزوی نقصان پہنچا ہے جس کی وجہ سے امیگریشن کا عمل رک گیا ہے۔دھوئیں کے باعث مسافروں کو امیگریشن لاؤنج سے باہر نکالا گیا۔
فائر بریگیڈ اور ریسکیو 1122 آگ پر قابو پانے کے لیے ایئرپورٹ پہنچ گئی۔ ایئرپورٹ حکام کا کہنا ہے کہ آگ لگنے کی وجہ تاحال معلوم نہیں ہوسکی ہے۔
Fire Erupts at Lahore Airport , damaged the immigration system, leading to flight disruptions. Preliminary investigation suggests a short circuit as the cause of the fire. #LahoreAirportFire pic.twitter.com/0nSCG8GQdC
— Ghulam Abbas Shah (@ghulamabbasshah) May 9, 2024
واضح رہے کہ حج سیزن کیلئے پاکستان سے پروازوں کا آغاز ہوگیا ہے۔ ہرسال کی طرح امسال بھی پاکستان سے لاکھوں عازمین فریضہ حج ادا کرینگے۔ اس حوالے سے روڈ ٹو مکہ پروگرام بھی شروع ہوچکا ہے۔
لاہور ایئر پورٹ پر آگ لگنے کے حوالے سے حکام کا کہنا ہے کہ صورتحال پر قابو پالیا گیا ہے اور جلد عازمین حج کی سرزمین مقدس روانگی کیلئے اقدامات مکمل کرکے فلائٹس روانہ کردی جائینگی۔