گوگل نیوز پر ہمیں فالو کریںمعروف پاکستانی گلوکارہ حدیقہ کیانی نے بلوچستان میں سیلاب سے متاثرہ افراد کے لیے گھروں کی تعمیر نو کا اپنا وعدہ پورا کر دیا ہے،ان کے پروجیکٹ ”وسیلہ راہ” نے سیلاب سے متاثرہ صوبے میں تعمیر نو کے پہلے مرحلے میں 100 مکانات کی تعمیر مکمل کرلی۔
حدیقہ کیانی نے اپنا پروجیکٹ وسیلہ راہ اگست میں شروع کیا تھا اور تعمیر نو کے عمل میں مدد کے لیے لاہور اور کراچی سے فنڈ اکٹھا کیا تھا۔
As many of you know, I have been in Balochistan for the past few days…by the grace of Allah + your support, we have completed the 1st phase of our project. 100 houses are complete and now occupied by flood victims, a maternity clinic, a grocery store and a primary school (1/2) pic.twitter.com/2bfPihxdHT
— Hadiqa Kiani (@Hadiqa_Kiani) March 1, 2023
ٹویٹر اور انسٹاگرام پر ایک حالیہ پوسٹ میں، حدیقہ کیانی نے اپنے چاہنے والوں کو بلوچستان میں ہونے والی تباہی اور مکانات کی تعمیر کے حوالے سے آگاہ کیا۔ انہوں نے اُن لوگوں کا شکریہ ادا کیا جنہوں نے اس کار خیر میں ان کی مدد کی۔
???????????? pic.twitter.com/ShABVt4v7M
— Hadiqa Kiani (@Hadiqa_Kiani) March 3, 2023
ان کی پوسٹ کے مطابق، منصوبے کے پہلے مرحلے میں 100 مکانات کی تعمیر شامل تھی، جن پر اب ضرورت مند خاندان رہائش پذیر ہوچکے ہیں، مزید برآں، ایک میٹرنٹی کلینک، ایک گروسری اسٹور، اور ایک پرائمری اسکول بھی تعمیر کیا گیا ہے اور اب وہ اپنے اپنے مقاصد کی تکمیل کر رہے ہیں۔
معروف گلوکارہ نے کہا کہ ”جیسا کہ آپ میں سے بہت سے لوگ جانتے ہیں، میں پچھلے کچھ دنوں سے بلوچستان میں ہوں … اللہ کے فضل اور آپ کے فعال تعاون سے، ہم نے بلوچستان میں اپنے منصوبے کا پہلا مرحلہ مکمل کر لیا ہے۔ ایک سو گھر مکمل ہو چکے ہیں اور اب ان پر لوگ رہائش پذیر ہوچکے ہیں، ایک میٹرنٹی کلینک مکمل ہو گیا ہے، ایک گروسری کی دکان مکمل ہو گئی ہے اور ایک پرائمری سکول مکمل ہو گیا ہے!
