وفاقی حکومت کی جانب سے پیٹرول کی قیمت میں 25 پیسے فی لیٹر کمی کر دی گئی

اسلام آباد: وفاقی حکومت کی طرف سے پیٹرول کی قیمتوں میں کمی کا اعلان کر دیا۔

وزارت خزانہ کے مطابق پیٹرول کی قیمت میں 25 پیسےفی لٹرکمی کی گئی جس کے بعد پیٹرول کی نئی قیمت 113.99 فی لیٹرہو گی۔

ہائی اسپیڈ ڈیزل کی قیمت میں دو روپے 40 پیسے فی لیٹر کمی کے بعد ہائی سپیڈ ڈیزل کی قیمت 125.01 روپے ہو گئی ہے۔

مزید پڑھیں :ایران میں پیٹرول قیمتوں کے خلاف مظاہرے جاری ،ہلاکتیں100ہوگئیں

وفاقی وزارت خزانہ کے مطابق مٹی کا تیل 83 پیسے سستا کیا گیا ہے، فی لیٹر مٹی کے تیل کی قیمت 96.35 روپے ہو گئی ہے۔

لائٹ ڈیزل کی قیمت میں 2 روپے 90 پیسے کمی کی گئی ہے۔ نئی قیمت 83 روپے 43 پیسے ہو گئی۔ پیٹرولیم قیمتوں کی کمی کا نوٹیفکیشن رات 12 بجے جاری کیا جائے گا۔