گوگل نیوز پر ہمیں فالو کریںاسلام آباد: جے یوآئی (ف) کے سربراہ مولانا فضل الرحمن نے کہاہے کہ کسی کو پاکستان کے نظریے، آئین اور جمہوریت سے کھیلنے نہیں دیں گے، ہم موجودہ حکومت کو تسلیم نہیں کرتے یہ کرسی پر بیٹھے رہیں ،عوام انہیں حکمران نہیں مانتے ۔
گزشتہ روز مولانا فضل الرحمان نے آزادی مارچ کے دھرنے سے خطاب کرتے ہوئے کہا کہ آج غرور کا پہاڑ ریت کا صحرا بن گیا ہے، ہم نے ان حکمرانوں کو غرور خاک میں ملا دیا ہے، ہم ان حکمرانوں کو تسلیم نہیں کرتے، یہ کرسی پر بیٹھے رہیں لیکن عوام انہیں حکمران نہیں مانتی۔
سربراہ جے یو آئی ف نے کہا کہ فاٹا کے حوالے سے عوام کو سبز باغ دکھائے گئے، کہا گیا کہ ہم فاٹا کو ہر سال 100 ارب روپیہ دیں گے اور 10 سال تک مسلسل دیتے رہیں گے، لیکن آج تک ایک پیسہ نہیں دیا۔حکومت کو تنقید کا نشانہ بناتے ہوئے مولانا فضل الرحمان نے کہا کہ نااہلی کا یہ عالم ہے کہ اقبال ؓکے حوالے سے 9 نومبر کو محسوس ہی نہیں ہونے دیا گیا۔
مولانا فضل الرحمان نےکہا کہ اس طرح پاکستان نہیں چلا کرتا، پاکستان کی شناخت اس کا نظریہ، آئین اور جمہوریت ہے، کسی کو پاکستان کے نظریے، آئین اور جمہوریت سے کھیلنے نہیں دیں گے۔
یہ بھی پڑھیں: اے این پی کسی غیر آئینی اور غیر جمہوری قدم کی حمایت نہیں کریگی،اسفندیار ولی
