گوگل نیوز پر ہمیں فالو کریںلاہور: پنجاب حکومت نے سموگ پر قابو پانے کیلئے 2 ماہ تک ہر بدھ کے روز لاہور کو بند رکھنے کا فیصلہ کرلیا۔
کمشنر لاہور محمد علی رندھاوا کی زیر صدارت تدارک سموگ کے حوالے سے خصوصی اجلاس ہوا جس میں سی سی پی او لاہور اور شہر کی بڑی مارکیٹس کے تاجر رہنماؤں نے شرکت کی، اجلاس میں قائم مقام ڈی سی لاہور عدنان رشید، ایڈیشنل ڈپٹی کمشنر جنرل ذیشان رانجھا، اسسٹنٹ کمشنرز بھی شریک ہوئے۔
سموگ کے تدارک کے لئے تاجروں نے کمشنر لاہور ڈویژن اور سی سی پی او کی تجویز مان لی۔
پاکستان کی جنوبی یورپی ممالک کو برآمدات میں اضافہ، درآمدت میں کمی ریکارڈ
اس موقع پر گفتگو کرتے ہوئے کمشنر لاہور محمد علی رندھاوا کا کہنا تھا کہ وزیراعلیٰ محسن نقوی کے حکم پر دو ماہ تک ہر بدھ کے روز لاہور بند رہے گا، بدھ کو سکولز، مارکیٹس، سرکاری و نجی ادارے بند رہیں گے اور ورک فرام ہوم ہو گا، سموگ کے لحاظ سے اکتوبر اور نومبر بہت اہم مہینے ہیں۔
انہوں نے کہا کہ شہر کے اندر ٹریفک زیرو ہو گی، بدھ کے روز سکول بھی بند رہیں گے، سکول انتظامیہ ورک فرام ہوم کرے گی، شہر کو بریتھنگ سپیس دینی ہے، بنکس، نجی ادارے، مارکیٹس، کلب اور ہوٹلز بھی بند ہوں گے۔
سی سی پی او لاہور بلال صدیق کمیانہ کا کہنا تھا کہ منگل بدھ اور جمعرات کو سموگ کا انڈیکس زیادہ ہوتا ہے، تاجر اگر چاہیں تو اتوار کو دوکانیں کھول سکتے ہیں۔
یاد رہے کہ فیصلے کا اطلاق اگلے بدھ سے ہوگا۔
