گوگل نیوز پر ہمیں فالو کریںڈیرہ غازی خان: وفاقی وزیر برائے ماحولیاتی تبدیلی زرتاج گل وزیر نے کہا ہے کہ پسماندہ علاقوں میں ترقی اور ضروریاتِ زندگی کی فراہمی حکومت کی اوّلین ترجیح ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر ماحولیاتی تبدیلی زرتاج گل وزیر نے ایک ویڈیو شیئر کی جس کے دوران انہیں ایک ترقیاتی منصوبے کا افتتاح کرتے ہوئے دکھایا گیا۔
وفاقی وزیر ماحولیاتی تبدیلی زرتاج گل وزیر نے کہا کہ میں اپنے الیکشن کے وقت عوام سے کیے گئے تمام وعدے پورے کرتی رہوں گی۔ تین سال کی تگ و دو کے بعد اس علاقے میں بجلی آئی ہے۔
وزیر ماحولیاتی تبدیلی زرتاج گل وزیر نے کہا کہ میرے حلقے ڈیرہ غازی خان کے علاقے بستی کھوہ دروان والا، موضع چک دلیل میں بجلی کی سہولت میسر آئی۔
پسماندہ علاقوں کی ترقی اور ضروریات زندگی کی فراہمی، حکومت کی بڑی ترجیحات میں سے ایک ہے۔
میں اپنے الیکشن کے وقت کئے گئے عوام سے تمام وعدے پورے کرتی رہوں گی۔
تیس سالوں کی تگ و دو کے بعد اس علاقے بستی کھوہ دروان والا موضوع چک دلیل کو بجلی کی سہولت میسر ہوئی ہے۔#NayaDGK #NA191 pic.twitter.com/7Mfmoua4Yk
— Zartaj Gul Wazir (@zartajgulwazir) February 10, 2020
زرتاج گل وزیر نے کہا کہ معاشی اعتبار سے مشکل وقت ہے۔ اس مشکل وقت میں اپنے خصوصی فنڈ سے 23 دیہاتوں کو بجلی فراہم کر رہی ہوں۔ فیز ٹو کے فنڈ سے مزید ترقیاتی کام ہوگا۔
انہوں نے اعلان کیا کہ آئندہ مزید 50 سے 60 دیہاتوں کو بجلی کی فراہمی یقینی بناؤں گی۔ مجھے خوشی ہے کہ عوام کا ہم پر اعتماد آج بھی بحال ہے۔ امید ہے یہ ہمیشہ برقرار رہے گا۔
◀️ اس مشکل وقت میں اپنے خصوصی فنڈ سے 23 دیہاتوں کو بجلی فراہم کررہی ہوں،
انشاءاللہ اپنے فیز ٹو کے فنڈ سےمزید 50 سے 60 دیہاتوں کی بجلی فراہمی یقینی بناوں گی۔⚡⚡الحمدللہ مجھے بہت خوشی ہے کہ عوام کا ہم پر اعتماد آج بھی بحال ہے، انشاءاللہ یہ ہمشہ برقرار رہے گا۔#NA191 #NayaDGK pic.twitter.com/BdUhtOZzTZ
— Zartaj Gul Wazir (@zartajgulwazir) January 18, 2020
یاد رہے کہ اس سے قبل وزیر مملکت زرتاج گل وزیر نے کہا کہ حکومت نے ملک سے بدعنوانی کے خاتمے کا عزم کررکھا ہے۔ عمران خان ملک کو تمام بحرانوں سے نکالنے کی صلاحیت رکھتے ہیں۔
گزشتہ ماہ دئیے گئے انٹرویو میں انہوں نے کہا کہ عوام نے وزیراعظم عمران خان کی ایماندار قیادت پر اعتماد کیا ہے اور وزیر اعظم عمران خان ان کے اعتماد کو ٹھیس نہیں پہنچنے دیں گے۔
مزید پڑھیں: عمران خان ملک کو بحرانوں سے نکالنے کی صلاحیت رکھتے ہیں،زرتاج گل
