یہ یو ٹرن نہیں۔ شہباز شریف حکومت تنخواہ بڑھانے کے اعلان سے دستبردار

اسلام آباد: قومی اسمبلی سے بطور قائدِ ایوان اپنے پہلے خطاب میں وزیر اعظم شہباز شریف نے سرکاری ملازمین کی تنخواہیں بڑھانے کا اعلان کیا تاہم ن لیگی حکومت نے اپنے اعلان سے دستبردار ہوتے ہوئے کہا ہے کہ اسے یوٹرن نہ سمجھا جائے۔

سماجی رابطے کی ویب سائٹ ٹوئٹر پر اپنے پیغام میں سابق وزیر خزانہ اور سینئر ن لیگی ماہرِ معیشت مفتاح اسماعیل نے کہا کہ یہ یو ٹرن نہیں ہے کیونکہ وفاقی حکومت کے ملازمین کی تنخواہیں دو ماہ قبل ہی بڑھائی گئی تھیں۔ اسلئے دوبارہ نہیں بڑھا رہے۔

یہ بھی پڑھیں:

نئے حکومتی ضوابط، اسٹیٹ بینک ہفتے کے 6 دن اپنے امور انجام دیگا

سابق وزیر خزانہ مفتاح اسماعیل نے کہا کہ آئندہ بجٹ میں وزیر اعظم شہباز شریف کی حکومت سرکاری ملازمین کی تنخواہوں سے متعلق مسائل حل کرے گی۔ ہم نے ریٹائرڈ سرکاری ملازمین کی پنشن میں اضافہ کردیا ہے۔ امید ہے اب کوئی الجھن نہیں ہوگی۔ 

There is no U-turn. Since fed govt employees’ salaries were raised a couple of months ago, we are not raising them again. However their salary issues will be considered in the next budget. Meanwhile we raised pensions of retired govt employees. I hope this clarifies any confusion https://t.co/3V84EFufCm

— Miftah Ismail (@MiftahIsmail) April 13, 2022

خیال رہے کہ اس سے قبل نو منتخب وزیر اعظم شہباز شریف نے ملازمین کی کم سے کم اجرت 25 ہزار روپے کرنے کا اعلان کیا تھا۔ پی ٹی آئی کے دور میں سال 22-2021 کے وفاقی بجٹ میں کم سے کم ماہانہ تنخواہ کی حد 20 ہزار مقرر کی گئی تھی۔

پیپلز پارٹی کی زیر قیادت صوبہ سندھ میں گزشتہ بجٹ میں ہی کم از کم تنخواہ کی حد 25 ہزار مقرر کردی گئی۔ نئے وزیر اعظم شہباز شریف نے ملک بھر میں تنخواہوں میں اضافے سمیت عوام کو ریلیف دینے کیلئے متعدد اقدامات کا اعلان کیا تھا۔